Britni Spirsin oğulları anaları ilə görüşmək istəmir - FOTO
Britni Spirsin keçmiş həyat yoldaşı Kevin Federlayn ailəsinin gələn ay Kaliforniyadan Havay adalarına köçməsi ərəfəsində olduğunu bildirib. O, oğullarını Britni Spirslə vidalaşmağa məcbur etməyəcək.
Sfera.az bildirir ki, keçmiş rəqqas oğulları 17 yaşlı Şon Preston və 16 yaşlı Ceyden Ceymsi anaları ilə vidalaşmağa məcbur etməyəcəyini bildirib. Ailəyə yaxın mənbə mətbuata bildirib ki, 45 yaşlı Federlayn, görünür, oğlanlarını bu böyük addımı atmazdan əvvəl Spirslə görüşməyə təşviq edib, lakin istəməsələr, onları sənətçini görməyə məcbur etməyəcək. Mənbə əlavə edib ki, oğulları getməzdən əvvəl analarını ziyarət edib-etməyəcəkləri barədə hələ qərar verməyiblər.
Qeyd edək ki, ulduzun keçmiş əri medianın diqqətindən yayınmaq üçün ailəsini Havay adalarına köçürür. Kevin Federlayn ikinci həyat yoldaşı Viktoriya Princenin də bu ştatda iş təklifi aldığını bildirib. Viktoriya Britni Spirsin oğulları ilə əla münasibətdədir, yeniyetmə oğlanlar özləri istəklərinə uyğun olaraq atasının və ögey analarının yanında qalır. Onların birlikdə çox gözəl anlaşdıqları, medianın diqqətindən kənarda rahat həyat yaşadıqları daim gündəmdədir. Spirs özü də övladlarının ataları ilə köçməsi ilə razılaşıb.
Aynil