Ukrayna məsələsi ilə bağlı rəsmi danışıqlar iyulda başlaya bilər.

Sfera.az xəbər verir ki, bu barədə Almaniyanın "ARD" telekanalı məlumat verib. Telekanalın məlumatına görə, iyunun 24-də Kopenhagendə Ukrayna məsələsi ilə bağlı “ciddi məxfilik şəraitində” sülh konfransı keçirilib, konfransda bir sıra Qərb ölkələrinin və Ukraynanın nümayəndələri ilə yanaşı, diplomatik korpusun nümayəndələri də iştirak ediblər. Həmin ölkələrin içərisində Çin, Hindistan və Türkiyə, Səudiyyə Ərəbistanı, Braziliya və Cənubi Afrikanın adı çəkilib.
 

"ARD"nin məlumatına görə, bu ölkələrin iştirakı ilə rəsmi sülh danışıqları artıq iyul ayında Brüsseldə baş tuta bilər.
 

Danimarka mətbuatı və Fransanın "AFP" xəbər agentliyi konfransın Danimarkada keçirilməsi təşəbbüsünün Kiyev tərəfindən edildiyini yazıb.
 

KİV Rusiyanın iyul danışıqlarında iştirakının planlaşdırılıb-planlaşdırılmadığına isə aydınlıq gətirmir.


Əzizə

Sfera.az