Kanada “Titanik”ə ekspedisiyadan sonra batan “OceanGate Expeditions” sualtı gəmisi “Titan” fəlakəti ilə bağlı araşdırmaya başlayır. Bu barədə ölkənin Nəqliyyatın Təhlükəsizliyi Şurası bildirib.

Sfera.az xəbər verir ki, Kanadalı müstəntiqlər məlumat toplamaq, müsahibələr aparmaq və nəticələrini qiymətləndirmək üçün Sent Cons, Nyufaundlend və Labradora gedəcəklər. Kanada bayrağı altında üzən “Polar Prince” (Qütb Şahzadəsi) gəmisi Titan” sualtı gəmisini dalış sahəsinə çatdırıb.
 

"Yaxın günlərdə biz fəaliyyətimizi digər maraqlı idarələrlə əlaqələndirəcəyik"- Şuradan bildiriblər.


Nəqliyyat şurasının rəhbəri Keti Foks qeyd edib ki, Kanada bayraqlı “Qütb Şahzadəsi” gəmisi Kanada limanını tərk edərək beynəlxalq sulara doğru hərəkət etməyə başlayıb.
 

Foks Titanla baş verənlərə beynəlxalq marağı anladığını ifadə edib və məlumatı digər qurumlarla - ABŞ Milli Nəqliyyat Təhlükəsizliyi Şurası və Sahil Mühafizəsi ilə bölüşəcəklərini qeyd edib.
 

"Səs yazıları və ifadələr Kanada qanunları ilə qorunur. İstintaqımız dəlillərin bizə apardığı yerə gedəcək. Biz səyləri təkrarlamaq istəmirik, əməkdaşlıq etmək istəyirik"-deyə o, fikrini yekunlaşdırıb.
 

Xatırladaq ki, 1997-ci ildə “Titanik” filminin rejissoru Ceyms Kemeron iki müəmmalı fəlakətin oxşarlığından danışmışdı. Onun sözlərinə görə, təsadüflər heyrətləndirici və sürreal olub.
 

Amerikanın “Wall Street” qəzeti iyunun 23-də yazıb ki, ABŞ Hərbi Dəniz Qüvvələri “Titan” sualtı gəmisinin ehtimal olunan partlamasını qeydə alıb. Sualtı qayıq iyunun 19-da Atlantik okeanında itib.

Aysel

Sfera.az