5 ulduzlu lüks oteldə bir neçə il qalıb, pul ödəmədi
Hindistanda adı açıqlanmayan şəxs 2 ilə yaxındır 5 ulduzlu oteldə yaşayıb, göstərilən xidmətlərə görə heç vaxt pul ödəməməkdə ittiham olunur.
Sfera.az bildirir ki, adı açıqlanmayan şəxs 603 gününü Dehli hava limanı yaxınlığındakı dəbdəbəli Roseate House otelində keçirib. İşçilərdən biri onun yaşayış üçün pul ödəmədiyini və orada qalmaq hüququnun olmadığını aşkar edib. Bu saxtakarlığı aşkar edən otel rəhbərləri polisə xəbər veriblər.
Otelin məlumatına görə, kişinin onlara 5 milyon rupidən çox borcu var ki, bu da demək olar ki, 70 min dollara bərabərdir. O, həmçinin artan borcunu ört-basdır etmək üçün işçilərlə əlbir olmaqda ittiham olunur.
İstintaqın məlumatına görə, təqsirləndirilən şəxs 30 may 2019-cu ildə yalnız bir gecəlik yaşayış yeri sifariş edərək qeydiyyatdan keçib. Lakin o, müxtəlif üsullardan istifadə edərək 22 yanvar 2021-ci il tarixinədək oteldə qala bilib. Əməkdaşlardan biri pulu ödəməməsinə baxmayaraq, guya qalma müddətini uzadıb.
Yəqin ki, sxem başqalarının hesabları ilə fırıldaqçılıqdan və ya bir hesabın digərinə dəyişdirilməsindən ibarət olub ki, bu da cinayətkarın görünməzliyini təmin edib. Lakin sonda onun hiylələri üzə çıxıb.
Aysel
Sfera.az