“Ukraynanın hücumu davam etdirməyə gücü var, Rusiya buna hazırlaşır” - Şoyqu
Rusiya Təhlükəsizlik Şurasının növbəti toplantısında müdafiə naziri Sergey Şoyqu Ukrayna cəbhəsində mövcud olan vəziyyətlə bağlı məruzə edib.
Sfera.az RBC-ya istinadən xəbər verir ki, prezident Vladimir Putinin sədrliyi ilə keçirilən toplantıda Şoyqu Ukrayna ordusunun əks-hücum əməliyyatlarının iyunun 4-də başladığını və 16-cı gününə keçdiyini deyib. Onun bildirdiyinə görə, Ukrayna qoşunları əks-hücum əməliyyatı çərçivəsində fəallığını azaldıb və yenidən qruplaşır.
Müdafiə naziri söyləyib ki, Ukrayna qüvvələri xeyli itki verib, amma buna baxmayaraq, hələ də hücumu davam etdirməyə gücü var və Rusiya növbəti hücumlara hazırlaşır:
“On altı gün davam edən fəal döyüş əməliyyatlarından sonra, Ukrayna əhəmiyyətli itkilər verib, hazırda yenidən qruplaşma aparılır, şəxsi heyət bərpa edilir”.
Təhlükəsizlik Şurasının katibi Nikolay Patruşev isə bildirib ki, hücum zamanı Ukrayna hərbçilərinin canlı qüvvə itkisi 13 min nəfərdən çox olub. Onun sözlərinə görə Ukrayna ordusu 246 tankı və digər texnikasını itirib.
Vasif