Sabiq nazirdən TƏLƏB: “Şəxsi həyatımı müzakirə etməyin”
Finlandiyanın keçmiş Baş naziri Sanna Marin yerini yeni baş nazir Petteri Orponun rəhbərlik etdiyi Milli Koalisiya Partiyasının kabinetinə təhvil verib.
Sfera.az bildirir ki, o, bununla bağlı sosial media hesabından fikirlərini bölüşüb. Sabiq nazir özəl həyatının mövzu obyekti olmamasını tələb edib. “Baş nazir olan zaman şəxsi həyatımla bağlı xəbərlər məntiqsiz və tamamilə şişirdilmiş olsa da, mətbuata açıqlama vermədim və ya tənqid etmədim. Dünən Baş nazir kimi son iş günüm idi və şəxsi həyatımın bir hissəsi olan məsələləri daha ictimai yerlərdə eyni şəkildə müzakirə etməməyiniz məqsədəuyğun olardı”, deyə Marin bildirib.
Qeyd edək ki, Sanna Marinin ötən il qatıldığı məclisdə rəqs edərkən çəkilən görüntüləri mətbuatda əksini tapmışdı. Onun barəsində araşdırma başlansa da, cəzalandırılacaq bir fakta rast gəlinməmişdi. Narkotik testindən də keçən Sanna Marin “Mən də insanam. Bəzən bu qara buludların arasında əyləncəyə can atıram”, deyə söyləmişdi.
Xatırladaq ki, Marin və əri Markus Rəykkönen keçən may ayında boşanmaq qərarına gəliblər.
Türkan