İşçi çatışmazlığı: Rusiya məhkum əməyindən istifadə etməyə hazırlaşır
Rusiyada işçi qüvvəsinin sayının artırılması üçün məhkumların əməyindən istifadə edilə bilər.
Sfera.az RBC-ya istinadən xəbər verir ki, bu fikri Rusiya hökuməti yanında Maliyyə Universitetinin professoru Aleksandr Safonov və Moskva Maliyyə-Hüquq Universitetinin (MFYuA) professor Sergey Peskov “Məhkumlar arasından ehtiyat əmək mənbələrinin formalaşdırılması” məqaləsində qeyd ediblər. Tədqiqatçıların hesablamalarına görə, məhkumlar arasından 150-185 min nəfəri biznes və dövlət qurumlarının maraqları naminə məcburi əməyə cəlb etmək olar.
Ədliyyə Nazirliyinin mətbuat xidmətindən RBC-ya verilən məlumata görə, bununla bağlı cinayət qanunvericiliyində humanistləşdirilmə aparılır. Xüsusilə, məcburi əmək kimi cəza növünün tətbiqi genişləndiriləcək.
Nazirlikdən bildiriblər ki, 2023-cü il iyunun əvvəlinə Rusiyada məcburi əmək növündə cəza çəkmək üçün 42 mindən çox yer yaradılıb: “Onların 50%-i müəssisələrdə, 42,8%-i penitensiar sistemə aid obyektlərdə, 7,2 faizi icra hakimiyyətlərində yaradılıb. 2024-cü ilə qədər məcburi əmək növündə cəza çəkən yerlərin sayının 80 minə çatdırılması planlaşdırılır”.
Safonov və Peskovun məqaləsində deyilir ki, ölkənin davamlı sosial-iqtisadi inkişafının ən mühüm amillərindən biri onun əmək resurslarının olmasıdır. Bu problem son vaxtlar pandemiya zamanı doğum səviyyəsinin azalması və ölüm hallarının çox olması kimi amillərin təsiri altında daha da artıb. “Bu şəraitdə xarici əmək miqrasiyası və ehtiyat işçi qüvvəsindən, xüsusən də məhkumların əmək potensialından istifadə Rusiyada işçi qüvvəsinin sayının artırılmasının real istiqamətlərinə çevrilir”, - tədqiqatçılar yazır.
2030-cu ilə qədər Rusiya iqtisadiyyatının 2,5 milyon yeni mütəxəssisə ehtiyacı olacaq. Federal Penitensiar Xidmətin son məlumatlarına görə, 2023-cü il yanvarın 1-nə Rusiya penitensiar sistemində 433 min nəfər saxlanılıb. Rosstatın məlumatına görə, 2023-cü ilin aprel ayına olan məlumata görə, Rusiyada işçi qüvvəsi 75,8 milyon nəfər təşkil edib.
Vasif