Misligörünməmiş tapıntı - İspaniyada mindən çox kukla olan sahibsiz ev tapılıb - Fotolar
Fotoqraf Ben Ceyms dünyanı gəzərək, tərk edilmiş binaların, yaşayış olmayan evlərin fotolarını çəkməklə məşhurdur. Onun fotoşəkillərində həyat donmuş kimi görünür, eyni zamanda insanlar gözəlliklərə heyran qalır. Bir müddət əvvəl o, İspaniyanın Sevilya şəhərinin kənarındakı bir kəndə gedib və İnstaqram izləyicilərinə 1000 kukla olan tərk edilmiş evin fotolarını təqdim edib.
Sfera.az bildirir ki, Sevilyanın kənarında kuklalarla birlikdə tərk edilmiş evdən yerli sakinlər kukla götürməkdən qorxurlar. Onların inancına görə uşaqların ruhunun kuklalara köçdüyünə inanırlar. Kuklalar arasında uşaq kuklaları, parça kuklalar, vintage və kütləvi bazardan adi olanlar var. Kuklalar sanki xarabalıqdan yığılmış kimidir; üzərləri tozla örtülü, bəziləri zamandan, küləkdən və rütubətdən qaralıb. Evdəki bütün yer kuklalarla doludur. Bu evin tarixi isə çox faciəlidir. 2017-ci ilə qədər orada iki uşağını itirmiş qadın yaşayıb. İtki acısının öhdəsindən gəlmək üçün o, ölü uşaqları xatırladan kuklalar toplamağa başlayıb. Xanım öləndə evə heç kim girməyib, buna görə də altı il ərzində hər şey sahibinin öldüyü gün kimi orada saxlanılıb. Kəndlilər ora getməkdən və daha çox kukla götürməkdən çəkinirlər, çünki uşaqların ruhunun oyuncaqlarda yaşadığına, kukla götürən hər kəsin öləcəyinə inanırlar. İnsanlar ev kimi kuklaların da lənətləndiyinə əmindirlər. Yerli sakinlər uşaqların ruhlarının kuklalarda yaşadığına inanırlar.
"Heç kəsi evə buraxmadılar. O, tək idi... sakinlər evə yaxınlaşmağa qorxurdular. Onlar əmin idilər ki, qadın dəli olub və ev lənətlənib"-fotoqraf deyir. Kənarda, köhnəlmiş fasad diqqətlə hazırlanmış və qorunub saxlanılan interyerlə kəskin şəkildə ziddiyyət təşkil edir. Benin dediyinə görə: “Evin içərisində yaşanılan müddətdə bəzən elə anlar olub ki, bəzi kuklalar, bəlkə də külək üzündən zəng çalmağa başlayıb, sanki kuklaları hərəkət etdirirsən və onlar musiqi ifa edirlər. Çox ürpədici görünürdü” Divarlardakı kuklalar qorxunc təəssürat yaradır.
Qeyd edək ki, Ceymsin səhifəsində tərk edilmiş evlər, motellər, xəstəxanalar, kafelər və buna bənzər şeyləri əks etdirən çoxlu fotoşəkillər var. Sənətçi ən vurğulanan anları necə tutacağını bilir, bunun sayəsində şəkilləri tamaşaçıları həqiqətən valeh edir.
