“Arxadan güllələyirlər” - Ruslar insanları təxliyə etməyə imkan vermirlər
Xerson vilayətinin işğal olunmuş hissəsində rus işğalçıları Kaxovskaya su elektrik stansiyasının qəsdən partladılmasından sonra yerli sakinlərin təhlükəsiz şəkildə təxliyyə edilməsinə imkan vermir və ərazini atəşə tutur.
Sfera.az xəbər verir ki, bu sözləri Ukraynanın baş naziri Denis Şmıxal deyib.
Ukrayna hökumət başçısının sözlərinə görə, Rusiya tərəfi nəinki su basmış ərazilərdən evakuasiyanı təşkil etməyib, həm də insanların özlərinin bunu etməsinə mane olur. Hərbçilər yaşayış məntəqələrinin çıxışını bağlayır, hətta bəzən arxadan atəş də açır.
"Sol sahil Xerson vilayətində vəziyyət kritikdir. İşğalçılar dinc əhalini xilas etmir, insanların fəlakət zonasından çıxışına mane olur və onları kürəyindən atəşə tuturlar. Həmçinin dünən təxliyənin ortasında Rusiya terrorçuları Xersonu və bölgəni kütləvi şəkildə atəşə tutublar, su tələsindən xilas edilmiş insanları yanğına bürüyüblər”- mesajda deyilir.
Qeyd edək ki, Xerson vilayətinin Ukrayna tərəfinin nəzarətində olan hissəsində isə Rusiya Federasiyasının törətdiyi fəlakətin aradan qaldırılmasını yerli Daxili İşlər Nazirliyinin başçısının rəhbərlik etdiyi qərargah həyata keçirir.
Ümumilikdə 1400-dən çox insan və 345 texnika cəlb olunub.
"Xerson vilayətində doqquz təxliyə məntəqəsi yerləşdirilib. Bu günə kimi 2,3 min insan təxliyə edilib, içməli su təşkil olunub və biz zərərçəkənlərə hərtərəfli, xüsusilə də psixoloji yardım göstəririk"- deyə Denis Şmıxal bildirib.
Ukrayna hökuməti Xerson, Nikolayev, Dnepropetrovsk və Zaporojye vilayətlərinin sakinlərini içməli su ilə təmin etmək üçün təxninən 2,4 milyard qrivna ayırıb.
Xatırladaq ki, iyunun 8-də Daxili İşlər Nazirliyi Kaxovskaya Su Elektrik Stansiyasında baş verən partlayışdan sonra 2000-dən çox insanın daşqın zonasından təxliyə edildiyini bildirmişdi. Evakuasiya təkcə Xerson vilayətindən deyil, Baştanski vilayətindən da davam edir.
Aysel
Sfera.az
