Tramp iyunun 13-də həbs olunacaq – Nə baş verir?

ABŞ-nin keçmiş prezidenti Donald Trampa qarşı 2022-ci ilin avqustunda iqamətgahında tapılan məxfi sənədlərlə bağlı rəsmi ittiham irəli sürülüb.

Trampın ittiham olunduğu sənədlər iyunun 13-də, onun rəsmi olaraq Mayami polisi qarşısına çıxacağı zaman məlum olacaq. Bundan sonra siyasətçiyə qarşı həbs qətimkan tədbiri seçiləcək və istintaq materialları dərc olunacaq.

Sfera.az xəbər verir ki, bu barədə "The New York Times" məlumat yayıb.

Nəşr iki mənbəyə istinadən yazır ki, ittiham aktında and içmək və ədalət mühakiməsinə mane olmaq da daxil olmaqla 7 maddə yer alacaq. İstintaqı xüsusi olaraq təyin edilmiş müstəqil prokuror Cek Smit aparır.

Tramp ifadəsində özünü təqsirli bilməyib. Əlavə edək ki, bu, Trampa qarşı ikinci cinayət işidir. Aprel ayında o, biznes fəaliyyəti hesabatlarını saxtalaşdırmaqda ittiham edilərək Nyu-York ştatının böyük münsiflər heyəti tərəfindən ittiham olunub. Onun bu iş üzrə məhkəməsi 2024-cü ilin martında başlayacaq.

Yeri gəlmişkən, Tramp qarşıdan gələn prezident seçkilərində prezidentliyə namizəd olacağını bildirib. O, ittihamlardan hər hansı birində təqsirli bilinsə və həbs edilsə belə, bu, onu ABŞ prezidentliyinə namizəd olmaqdan məhrum etməyəcək.

Əzizə