Ukrayna Almaniyadan Moskvanı vura biləcək uzaqmənzilli “Taurus” qanadlı raketləri istəyib.

Sfera.az xəbər verir ki, alman mediasının yaydığı məlumata görə, Volodimir Zelenski may ayının əvvəlində Berlinə səfəri zamanı güclü düşmən hədəflərini məhv etmək üçün nəzərdə tutulmuş raketlər tələb edib.

Ukrayna may ayından bəri işğal olunmuş ərazilərdə, cəbhə xəttinin dərinliklərində Rusiyanın təchizat anbarlarına və komanda məntəqələrinə zərbələr endirmək üçün "Fırtına Kölgəsi"ndən istifadə edib . "Taurus" raketi təxminən yarım ton ağırlığında döyüş başlığını 310 mil uzaqlıqdakı möhkəmləndirilmiş hədəfə "Fırtına Kölgəsi" ilə təxminən eyni vaxtda çatdıra bilər.

İsveç və Almaniya işbirliyi ilə hazırlanmış və inşa edilmiş raket adi raket dizaynının ən qabaqcıl nöqtəsi hesab olunur. İsveçin silah istehsalçısı Saab Bofors Dynamics Taurus raketini  “müqayisə edilməyən modul dayanıqlı raket sistemi” kimi təsvir edib.

“O, stasionar və yarı stasionar hədəflərə, o cümlədən bunkerlərə və digər bərkidilmiş, dərin basdırılmış hədəflərə, eləcə də böyük radar stansiyaları kimi yüksək dəyərli nöqtə və ərazi hədəflərinə dəqiq zərbələr endirmək qabiliyyətinə malikdir”,- silah istehsalçısı deyib.

“Taurus” raketləri ilk dəfə 2005-ci ildə istehsal edilib. Almaniya onlardan daha çoxunu alıb və İspaniya və Cənubi Koreyanın hərbi hava qüvvələri də bu silahlar üçün sifariş verib.

Qeyd edilir ki, əvvəlcə Almaniyanın Ukraynanı silahla təmin etməklə bağlı tərəddüdləri vardı, lakin getdikcə daha ağır təzyiq altında qalaraq, kənarda durmaqdan imtina edib və indi Ukraynaya Leopard tankları və Patriot raketdən müdafiə sistemi göndərir.

Qərb isə Ukraynaya silah tədarükünün texnoloji səviyyəsini artırıb. Bu ay Ukraynanın müttəfiqləri F16 döyüş təyyarələrində ukraynalı pilotlara təlim keçəcəklərini bildiriblər.

İnci