“Nyu-York şəhəri gələcəkdə tamamilə su altında qala bilər”.

Sfera.az bildirir ki, bu barədə ABŞ Geoloji Xidməti və Rod-Aylend Universitetinin alimləri araşdırma aparıb. Mütəxəssislərin fikrincə, əsas səbəb qeyri-sabit torpaq üzərində tikilmiş göydələnlərin olmasıdır. Qeyd olunub ki, torpaqların belə çökməsi daha 99 iri şəhəri təhlükə altında qoyur.

Alimlər Nyu Yorkdakı binaların ümumi çəkisinin 770 milyon ton olduğunu iddia ediblər.  “Bu ümumi yükə görə, metropolis tədricən ildə təxminən 3-3,5 millimetr okeana batır. Eyni zamanda, hər hansı bir yeni tikinti vəziyyəti əhəmiyyətli dərəcədə pisləşdirəcək. Sahildə ucaldılan hər yeni hündürmərtəbəli bina gələcəkdə çökmə və daşqın riskini artırır”, - tədqiqatın rəhbəri Tom Parsons söyləyib.

Elm adamları xəbərdarlıq ediblər ki, mövcud şəraitdə daşqınlara qarşı standart tədbirlər effektli olmayacaq: “Nyu-Yorkun əsas hissəsi qeyri-sabit sahil, göl və buzlaq yataqlarında yerləşir. Belə torpaq böyük binaların tikintisi üçün nəzərdə tutulmayıb”.

Günay Rəsulqızı