Hamilə köpəkbalığı 40 balası ilə sahilə çıxdı - Alimlər sirri tapdı - VİDEO
Amerikalı alimlər 40 balasına hamilə olan çəkic başlı köpəkbalığının Alabama sahillərinə niyə özünü atdığını öyrəniblər. Missisipi Universitetinin Dəniz Balıqçılıq Ekologiyası Departamentinin səhifəsində bu hadisə ilə bağlı yazı dərc edilib.
Sfera.az bildirir ki, Missisipi Universitetinin alimlərinin fikrincə, köpəkbalığı, ola bilsin ki, balıq torlarına düşdükdən sonra stresdən əziyyət çəkir. Hamiləlik heyvanın morbid vəziyyətini daha da gücləndirə bilər.
Qeyd edək ki, aprelin 20-də “Orange Beach” çimərliyində 4 metr uzunluğunda köpəkbalığı özünü sahilə çırpıb. Sahil mühafizəçiləri hadisə yerinə gələrək köpək balığının leşini çimərlikdən çıxarıblar. Missisipi Universitetinin okeanoloqları daha sonra yarılma aparıblar.
Köpəkbalığı sağlam görünüb və alimlər onun 40 körpəyə hamilə olduğunu da müəyyən ediblər.
Tipik olaraq, dəniz heyvanları zədə və ya xəstəlik səbəbindən sahilə çıxır, lakin bu, fərqli bir hal kimi görünüb.
Alimlər heç bir fiziki zərər aşkar etməyib, lakin çəkic başlı köpəkbalıqlarının stress səbəbiylə fiziki təsirlərə məruz qala biləcəyini qeyd edirlər. Tədqiqatçılar qeyd edir ki, hamiləlik stressi daha da artırmış ola bilər.
Alimlər köpəkbalığının kiminsə onu tutmağa çalışdıqdan sonra öldüyünü etiraf edib.
Xatırladaq ki, böyük çəkic başlı köpəkbalığı nəsli kəsilməkdə olan növlər hesab olunur. Onlar tez-tez təsadüfən balıq torlarına yaxalanır, lakin bəzən qaçaqmalçılar tərəfindən üzgəclərinə görə satılırlar. Çox vaxt başın formasına görə qara bazara daxil olurlar.
Bəzən onlar torlardan qopub çıxırlar, amma zədəli qalırlar və alimlərin fikrincə, çəkdikləri stressdən çox əziyyət çəkirlər.
Bir çəkic başlı köpəkbalığının bir nəslində altıdan 42-yə qədər bala ola bilər. Alabama ştatında çimərlikdə tapılan köpək balığının yarılması zamanı 40 köpək balığı tapılıb, lakin onların heç biri sağ qalmayıb.
Bu nümunələrdən növlərin öyrənilməsində istifadə olunacaq.
Alimlər ölü köpəkbalıqlarını araşdırırlar.
Tədqiqatçılar hesab edirlər ki, 200-ə yaxın böyük çəkic başlı köpəkbalığı vəhşi təbiətdə qalır, bunlar olduqca nadir hesab edilir.
Alabamada bir qayda olaraq, köpəkbalığı deyil, dəniz balıqları sahilə atılır.
Xatırladaq ki, ABŞ sakini nadir növ köpək balığını vəhşicəsinə döydüyünə görə həbs edilmişdi. Cinayət hadisəsi kameraya düşüb.
Aprelin əvvəlində İrlandiyada 4 metrlik pələng köpəkbalığı da sahilə atılıb. Okeanoloqlar dəniz yırtıcısının cəsədini araşdıraraq, köpəkbalıqlarının Britaniya sahillərində niyə bitdiyini və burada qalıb-qala bilməyəcəklərini öyrənirlər.
Aynil
Sfera.az
