Zelenskidən əks-hücumla bağlı MÜHÜM AÇIQLAMA: “Gözləməliyik”
12:00 / 11.05.2023
2296
“Bizə gözlənilən yaz əks-hücumuna hazırlaşmaq üçün daha çox vaxt lazımdır”.
Sfera.az bildirir ki, bunu Ukrayna lideri Volodimir Zelenski deyib. “Biz irəli gedə və uğur qazana bilərik, amma çox insan itirərdik. Bu, qəbuledilməzdir. Ona görə də gözləmək lazımdır. Hələ bir qədər də vaxta ehtiyacımız var”, deyə prezident bildirib.
O, Ukrayna ordusunun hazır vəziyyətdə olan döyüş briqadalarının olduğunu, lakin hələ də vəd edilmiş zirehli texnikanın çatışmadığını, onların yavaş-yavaş gəldiyini söyləyib:
“Biz sülh üçün heç bir ərazini verməyəcəyik. Bununla bağlı hər kəsin öz fikri ola bilər, amma onlar Ukraynaya ərazilərini təslim etmək üçün təzyiq edə bilməzlər. Dünyanın hər hansı ölkəsi niyə öz ərazisini Putinə verməlidir?”.
Günay Rəsulqızı