“Putinin edamına cəhd edilsə...” – Donald Tramp
“Rusiya Prezidenti Vladimir Putinin hərbi cinayətkar kimi tanınması daha sonra müzakirə edilməlidir”.
Sfera.az bildirir ki, bunu ABŞ-nin keçmiş lideri Donald Tramp “CNN” telekanalına müsahibəsində deyib.
O, qeyd edib ki, əks halda belə müzakirələr Ukrayna münaqişəsinin sülh yolu ilə həllinə mane olacaq:
“Əgər Rusiya dövlətinin başçısı hərbi cinayətkar kimi tanınarsa və edamına cəhd edilərsə, savaş digər şərtlərlə müqayisədə qat-qat çətin olacaq”.
Tramp çıxışı zamanı həmçinin, Putini “ağıllı adam” adlandırıb: “Əlbəttə ki, o, ağıllıdır. Putinin axmaq bir insan olduğunu söyləməyinizi istəyirlər. Ancaq o, elə deyil və çox hiyləgərdir. Fikrimcə, o, pis səhvə yol verdi”.
Sabiq prezident Rusiyanın Ukraynaya hücumuna işarə edərək, “Onun səhvi bu idi. Mən prezident olsaydım, heç vaxt belə etməzdim”, deyə əlavə edib.
Günay Rəsulqızı