Moskvada Federal Təhlükəsizlik Akademiyasının yaxınlığında yanğın baş verib
Bu gün Moskvada güclü yanğın baş verib.
Sfera.az bildirir ki, yanğın “Stroykombinat” keçidinin 1-ci hissəsində baş verib. Xidmətdən verilən məlumata görə, qatı qara tüstü bütün əraziyə yayılıb. Yanğın tikinti materiallarının alışması ilə başlayıb. Yanğının sahəsi təxminən 150 kvadratmetrdir. Rusiya Fövqəladə Hallar Nazirliyinin baş idarəsinin mətbuat xidməti Moskvanın qərbində 40 kvadratmetr sahədə açıq tikinti sahəsində tikinti materiallarının yanması barədə məlumat verib.
Daha sonra fövqəladə hallar xidməti yanğının 500 kvadratmetrə qədər ərazini əhatə etdiyini qeyd edib. Tələfat barədə məlumat daxil olmayıb, yanğın Moskva vaxtı ilə saat 17:17-də tam söndürülüb. Media bildirir ki, hidroizolyasiya və izolyasiya tikinti materialları alovlanıb, bir neçə işçi damda qalıb.
Xatırladaq ki, mayın 4-də axşam saatlarında Moskvanın İrəvanskaya küçəsi boyunca təkər quraşdırma otağında da yanğın baş verib.
