“Ukrayna əks-hücum əməliyyatı zamanı Krımı ələ keçirməyə cəhd edəcək”.

Sfera.az bildirir ki, bu məlumatı Ukrayna prezidenti Volodimir Zelenski də təsdiqləyib.  Belə ki, o, bu barədə “Yle” nəşrinə danışıb. Zelenski açıqlamasında Ukraynanın əks-hücum planlaşdırdığını təsdiqləyərək, hücumun Rusiya qüvvələrini dəf edəcəyinə və Krım yarımadasını Ukraynanın nəzarətinə qaytara biləcəyinə inandığını qeyd edib.

Ukrayna lideri əlavə edib ki, əməliyyatın uğuru Qərbdən gələn təchizatdan asılıdır. O, həmçinin bildirib ki, ölkədəki silahların sayından asılı olmayaraq, münaqişə onilliklərlə davam edə bilər.

Xatırladaq ki, daha əvvəl Rusiya prezidenti Vladimir Putinin mətbuat katibi Dmitri Peskov Krımın təhlükəsizliyinin tam təmin olunduğunu deyib. Pentaqon isə Ukraynanın yarımadanı ələ keçirmək planlarına şübhə ilə yanaşıb.

Günay Rəsulqızı