Beynəlxalq Polis Təşkilatı (İnterpol) Latın Amerikasının 15 ölkəsində odlu silahlara qarşı “Trigger IX” adı altında əməliyyat keçirib. 

Sfera.az xəbər verir ki, əməliyyat zamanı 8 263 qanunsuz odlu silah, 305 min sursat müsadirə edilib. Həmçinin 5,7 milyard dollar dəyərində 575 ton narkotik vasitə və narkotik istehsalında istifadə olunan xammal ələ keçirilib. 

Əməliyyatlar nəticəsində ümumilikdə 14 260 nəfər saxlanılıb.

İnterpolun verdiyi açıqlamada əməliyyatın Meksika, Braziliya, Kolumbiya, Argentina, Çili, Ekvador, Salvador, Boliviya, Kosta-Rika, Qvatemala, Honduras, Panama, Paraqvay, Peru və Uruqvayda aparıldığı bildirilib.

İnterpol rəsmiləri qeyri-qanuni odlu silahların qətl, narkotik və insan alveri kimi digər cinayətlərlə birbaşa əlaqəli olduğunu vurğulayıblar.

Əməliyyat sayəsində Primeiro Comando Capital, Mara Salvatrucha və Balkans Cartel kimi ümumilikdə 20 cinayət təşkilatına zərbə vurulub.

Bildirilib ki, Avropa İttifaqı (Aİ) tərəfindən maliyyələşdirilən Trigger IX əməliyyatına ABŞ-ın Alkoqol, Tütün, Odlu Silahlar və Partlayıcılar Bürosu (ATF) və Daxili Təhlükəsizlik Təhqiqat İdarəsi (HSI) də dəstək verib.

Lalə
Sfera.az