“Müharibə vaxtı qohumumu kabinetimdən qovdum, mənə deyirdi ki...” - Paşinyan

"Müharibə vaxtı qohumumu kabinetimdən qovmuşdum".

Sfera.az xəbər verir ki, bunu Ermənistanın Baş naziri Nikol Paşinyan deyib. Baş nazir bunu qohumunun Ermənistan ordusu haqqında söylədiyi fikirlərə görə etdiyini qeyd edib:

"Müharibə vaxtı qohumlarımdan biri qəbuluma gələrək dedi ki, yüksək rütbəli hərbçi şəxsi heyət arasında panika yayır. Qohumumun sözlərinə görə, o adam şayiə yayırmış ki, guya Nikol torpaqları təhvil verib. Gözləmədiyi halda onu kabinetimdən çıxararaq dedim ki, Ermənistan Respublikasının zabiti haqqında hörmətsiz danışmaq olmaz”.

Paşinyan daha sonra əlavə edib ki, buna baxmayaraq xəyanət faktlarını ört-basdır etmək niyyətində deyil. O, dövlətə xəyanət edənlər arasında yüksək rütbəli zabitlərin də olduğunu etiraf edib:

"Təxminən 53 nəfərdirlər. O cümlədən hərbi qulluqçular, yüksək rütbəli zabitlər dövlətə xəyanət şübhəsi altındadırlar. Onlar mövqelərini pulla satıblar".

İnci