Britaniya polisi Şahzadə Harriyə çox bənzəyən axtarışda olan şəxsi Facebook səhifəsində avtomobilə girərək Louis Vuitton dizayner çantası, MacBook və Apple qulaqlıqlarını oğurladığını yazıb. Paylaşıma müşahidə kamerası tərəfindən çəkilmiş videonun skrinşotu əlavə olunub.
 

Sfera.az bildirir ki, oğurluqda şübhəli bilinən şəxs sosial media istifadəçiləri tərəfindən Sasseks hersoquna heyrətamiz dərəcədə oxşadılıb.


“Uotfordda oğurluqdan sonra şəxsiyyətini müəyyənləşdirmək istədiyimiz şəxsin təhlükəsizlik görüntülərini yayımladıq. 10 Mart Cümə günü saat 20:30 ilə 23:15 arasında Bushey Mill Lane-də Topgolfda avtomobil sındırılıb. Arxa şüşənin sındırıldığı bildirilir və içində Macbook, Apple qulaqlıqları və sərt disk olan Louis Vuitton çantası oğurlanıb.

Təhqiqata rəhbərlik edən PC Michael Norris:

"Şəkildəki şəxsin şəxsiyyətini müəyyənləşdirmək istərdik, çünki o, həmin vaxt ərazidə olub və araşdırmamıza kömək edə biləcək məlumatlara malik ola bilər. Əgər siz onu tanıyırsınızsa, zəhmət olmasa xəbər verin!"- deyə paylaşımda qeyd edib.


Şərhlərdə istifadəçilər qırmızı saqqallı kişinin kral ailəsinə bənzəməsinə göz yuma bilməyiblər.
 

"Şahzadə Harrinin Meqansız nadir görüntüləri ortaya çıxdı" deyə bir istifadəçi polis Facebook qrupuna yazıb.
 

"Bu Harridir! O, bir neçə həftədən sonra hava limanında olacaq", "Los-Anceles çətin günlər keçirməlidir", "Harrinin kitabı gözlənildiyi kimi olmadı", "Şahzadə Harri dolanmağa çalışır? ","Allahım, bu Şahzadə Harridir?", "Məncə onun adı Harri Vindzordur. Baxmayaraq ki, müdaxilə etmək istəmirəm" deyə şərhlərdə yazıblar.

Xanım

Sfera.az