Rusiya ordusu yenidən məktəbləri və xəstəxananı vurub - Ölən yeniyetmələr var
Aprelin 16-na keçən gecə Rusiya ordusu Nikolayev vilayətinin Snigirevski qəsəbəsini S-300 raketləri ilə atəşə tutub, nəticədə iki yeniyetmə həlak olub.
Sfera.az bildirir ki, bu baradə Telegram-da Nikolayev Regional Hərbi Administrasiyasının rəhbəri Vitali Kim məlumat verib. "2005-ci il təvəllüdlü iki yeniyetmə yaşayış məntəqələrindən birində atılan atəş nəticəsində həlak olub"- deyə Kim bildirib. Partlayışlar nəticəsində yaşayış binalarına, təhsil müəssisəsinə və özəl müəssisəyə ziyan dəyib. Nikolaev vilayət prokurorluğundan verilən məlumata görə, 17 yaşlı oğlan və 18 yaşlı qız ölüb, Ukrayna Cinayət Məcəlləsinin 438-ci maddəsi ilə qəsdən adam öldürmə (2-ci hissə) ilə birlikdə müharibə qanunlarının pozulması faktı üzrə ibtidai istintaq aparılır. Partlayışlar nəticəsində yaşayış binalarına, təhsil müəssisəsinə və özəl müəssisəyə ziyan dəyib. Hadisə yerində prokurorlar, polis müstəntiqləri, kriminoloqlar və Ukrayna Milli Polisin rayon üzrə Baş İdarəsinin partlayıcı maddələr üzrə mütəxəssisləri işləyir.
Vitali Kim Snigirevka şəhərində iki təhsil müəssisəsi, xəstəxana, mədəniyyət evi və yaşayış binaları atəşə tutulduğunu bildirib. Aprelin 15-də isə rus ordusu Gorokhovskaya yaşayış məntəqələrindən birini atəşə tutub. Uşaq bağçasının və klubun binasına ziyan dəyib, xəsarət alan olmayıb. Snigirevsk şəhər hərbi administrasiyasının rəhbəri İvan Kuxta əlavə edib ki, atəşdən sonra yerli hakimiyyət orqanları zədələnmiş əmlakın bərpası, energetiklər isə qismən zədələnmiş elektrik təchizatının bərpası üzərində işləyirlər.
