Türkiyənin Xarici işlər naziri Mövlud Çavuşoğlu danışıqlar aparmaq üçün Avstriyaya gedib. 

Sfera.az xəbər verir ki, Çavuşoğlu Vyanada əvvəlcə Avstriyanın xarici işlər naziri Aleksandr Şallenberq ilə görüşüb, daha sonra nümayəndə heyətləri arasında keçirilən görüşə qatılıb.

Nazir sosial media hesabından paylaşım edərək, "Zəlzələ yardımına görə təşəkkür etdik. İqtisadi, ticarət və mədəni əməkdaşlığımızı davam etdirəcəyik. Ukrayna, Suriya və Cənubi Qafqazdakı hadisələri müzakirə etdik", - bildirib. 

Çavuşoğlunun avstriyalı həmkarı Şallenberqlə görüşə Türkiyənin ilk yerli avtomobili “TOGG” ilə getməsi diqqət çəkib. Görüşdən sonra nazirlikdən Şallenberq tərəfindən yola salınan Çavuşoğlu avstriyalı həmkarına “TOGG” haqqında məlumat verib. Nazir Çavuşoğlu daha sonra avtomobillə Vyana küçələrini gəzib.