Bu ölkədə 301 nəfərə ömürlük təzminat ödəniləcək – COVID-19 vaksinlərinə görə..
Almaniyada bəzi vətəndaşlar COVID-19 peyvəndlərinə görə məhkəməyə müraciət edib.
Sfera.az bildirir ki, sözügedən addım vaksinin yaratdığı ciddi yan təsirlərə görə atılıb. Məhkəmədə təzminat qərarı verilib və kompensasiyalar dövlət müəssisələri tərəfindən ödənilməyə başlayıb. Belə ki, indiyədək 301 təzminat müraciətinin təsdiqləndiyi ölkədə ərizələri qəbul edilən şəxslərə ömür boyu aylıq 164-854 avro arasında ödəniş ediləcək. Hətta zərurət yaranarsa, bu şəxslərin müalicə xərcləri də dövlət tərəfindən qarşılana bilər.
Almaniyada peyvənd və dərmanları təsdiqləyən səlahiyyətli orqan Paul Ehrlich İnstitutunun (PEI) məlumatına görə, vaksinlər ürək xəstəliklərinə, qan laxtalanmasına, üz iflicinə, əzələ xəstəliyinə, eşitmə pozğunluğuna səbəb olub. Həmçinin peyvəndin yan təsirlərinin qurbanı olduqlarını iddia edən daha 185 nəfər də vaksin istehsalçılarına qarşı məhkəmələrə müraciət edib. İşlərdən birincisinə aprelin 28-də Frankfurt Rayon Məhkəməsində baxılacağı gözlənilir. Mövzu ilə bağlı açıqlama verən “Biontech” şirkəti “Peyvəndimizin sağlamlıq problemləri ilə heç bir əlaqəsi yoxdur. Biz peyvənd istehsalçısı olaraq öz məsuliyyətimizə çox ciddi yanaşırıq”, deyə qeyd edib.
Türkan