İsveçrədən olan Streamer Kim Eichenberger “Write a Prisoner” onlayn platforması vasitəsilə ABŞ-dan olan məhbus Uilyam Makkarti ilə əlaqə saxladıqdan sonra ona aşiq olub.
 

Sfera.az bildirir ki, xanım gələcək həyat yoldaşı ilə WriteAPrisoner.com saytında tanış olduğunu bildirib. Bu sosial şəbəkə Florida hakimiyyəti tərəfindən məhbusların təkrar cinayətlərdən qaçmağa kömək edəcəyi ümidi ilə qələm dostları tapması üçün yaradılıb. Kim, MakKartinin narkotik alverinə görə həbs olunduğunu öyrənməzdən əvvəl platformada bir neçə dəfə mesajlaşdıqlarını açıqlayıb.
 

Twitch striminq platformasında yayımlanan qız etiraf edib ki, ona həmişə cinayətkarlar çox maraqlı gəlir. Buna görə də o, Uilyama yazmağa qərar verib.


Bir neçə mesajlaşmadan sonra Kim cinayətkara aşiq olduğunu anlayıb və ABŞ-da ona dəmir barmaqlıqlar arxasında baş çəkmək qərarına gəlib. O, həbsxanada MakKartini ziyarət etmək üçün ərizə verib. Bunun üçün onlar bəzi qaydalardan yan keçməli olublar. Qız yalan deməli idi ki, onlar bir-birlərini iki və ya daha çox ildir tanıyırlar.
 

"Görüşmək üçün bir-birinizi iki il və ya daha çox tanıdığınızı təsdiq edən icazə tələb etməlisiniz"- isveçrəli qadın deyib.


İlk və yeganə üç saatlıq görüşləri zamanı Makkarti həbsxana mühafizəçilərinin nəzarəti altında qıza evlilik təklifi edib. İlk öpüşlərindən sonra qız razılaşıb. İndi o, sevgilisinin bu oktyabrda azadlığa çıxmasını səbirsizliklə gözləyir. O və MakKarti Aydahoda birgə həyat planlaşdırır, ona görə də Kim artıq ABŞ-da nişanlı vizası üçün müraciət edib.
 

Bu yaxınlarda isə Britaniyada “kabusla evlənən” müğənninin şeytan çıxarma əməliyyatı keçirmək istədiyi bildirilib. 2022-ci il Halloween bayramında xəyali əri Edvardo ilə evlənən Rokçu Brokard artıq ayrılmaq istədiyini bildirib.

Aynil

Sfera.az