Aprelin 11-də Tiktoker LuC'ius Allure böyük bir avtomobil almağa pul toplamaq üçün köməyə ehtiyacı olduğunu bildirən bir video yayımlayıb. O, dörd və səkkiz yaşlarında olan övladları ilə bir ildən çoxdur yolda yaşadığını açıqlayıb.

Sfera.az bildirir ki, gənc ata izləyicilərinə 6000 dollara satışa çıxarılan furqon tapdığını, lakin buna imkanı olmadığını deyib. Yeni avtomobilin damında onun istifadə edə biləcəyi çadırı, mətbəxi və hər övladı üçün ayrıca yataq otağı var.


Gənc ata Allur son videosunda əşyalarla dolu maşına əyləşərək iki övladını tək böyütdüyünü, atasından maddi yardım aldığını, lakin bunun kifayət etmədiyini deyib. Satış üçün tapdığı 6000 dollarlıq furqonun onlar üçün tamamilə mükəmməl olacağını, lakin onu ala bilmədiyini deyib.
 

Allure izləyiciləri bio-da qeyd olunan GoFundMe səhifəsinə yönəldib və imkanları olsa, pul ianə etmələrini istəyib. O, həmçinin daha çox insanın baxa bilməsi üçün videonu bəyənmələrlə dəstəkləməyi xahiş edib. Gənc ata mikroavtobusun satışda nə qədər müddət qalacağını bilmirdi.


İlk gündə videoya 1,4 milyondan çox baxış, like və ya pul verməyə hazır olduqlarını bildirən izləyicilət 8400-dən çox şərh yazıb.


“Bizə furqon almağa kömək edin” adlı ianə kampaniyası ilk 24 saat ərzində 800-dən çox ianə alıb və o vaxtdan bəri ilkin hədəf iki dəfə artaraq 12.000 dollardan çox pul toplanıb.
 

Həmin gün yayımlanan növbəti videoda Allure uşaqları ilə arxa oturacaqlarda yatmış halda avtomobilinə qayıdır və ianələrin gəldiyini görəndə xoşbəxtlikdən ağlamağa başladığını deyir. Kişi bütün şərhlərə mümkün qədər tez cavab verməyə çalışacağını bildirib. Hazırda o rahatlıq və sevinc içərisində olduğunu, lakin hələ də nə baş verdiyini anlamağa çalışdığını və kömək edən hər kəsə təşəkkür etdiyini bildirib.


Qeyd edək ki, gənc ata Allurun TikTok-da 84.000-dən çox izləyicisi var. TikTok hesabında o, tək valideyn olmanın mübarizəsini əks etdirən videolar yerləşdirir və uşaqları ilə yolda həyatı haqqında danışır.

Aynil

Sfera.az