Baydenə bombalı hücum planı – Polis əməliyyat keçirdi
ABŞ prezidenti Co Baydenin İrlandiyaya səfəri ərəfəsində ölkə polisi “New IRA”ya (Yeni İrlandiya Respublika Ordusu) qarşı əməliyyat keçirib.
Sfera.az xəbər verir ki, respublikaçı paramiliter qrupun bombalı hücuma hazırlaşdığı məlum olub. Polis onların "təxribatçı bombalama planı"nın pozulduğunu açıqlayıb.
Bu xəbər hər iki ölkənin gündəminə bomba kimi düşüb.
Adı açıqlanmayan mənbə “The Belfast Telegraph”a bildirib ki, qrupun üzvləri hücum üçün bomba hissələri axtarıblar. Başqa bir mənbə isə “New IRA”nın yeni lideri Tomas Mellonun Baydenin səfərini kölgədə qoymaq istədiyini deyib.
Xatırladaq ki, ABŞ prezidenti Co Bayden 2024-cü ildə namizəd olacağına bir daha işarə edib. Bayden yenidən namizədliyini irəli sürməyi planlaşdırdığını deyib. 80 yaşlı amerikalı siyasətçi hazırda ABŞ tarixinin ən yaşlı prezidenti titulunu daşıyır. Qalib gəlsə, ikinci müddətinin sonunda 86 yaşı tamam olacaq.
Lalə
Sfera.az