Küveytdə yerləşən “Kuwait News” xəbər kanalı süni intellektlə işləyən virtual xəbər aparıcısı Fedhanı təqdim edib.

Sfera.az xəbər verir ki, kanalın mətbuata verdiyi açıqlamada süni intellektli aparıcının sınaq mərhələsində olduğu və internetdə gündəlik xəbərləri oxuyacağı bildirilib. 

Tanıtım videosunda sarışın Fedha ağ köynək və qara pencəkdə görünür.

Ərəbcə danışan Fedha "Mən Küveytdə “Kuwait News”da süni intellektlə işləyən ilk aparıcı Fedhayam. Hansı xəbərlərə üstünlük verirsiniz? Fikirlərinizi eşidək", - deyib.

Rəsmilər Fedhanın "Küveytliləri bir araya gətirən müxtəlifliyi əks etdirdiyini" söyləyir.

Fedhanın media orqanının “Twitter” hesabından gündəlik xəbərlər bülletenini təqdim etməsi planlaşdırılır. Zamanla onun Küveyt ləhcəsi ilə danışması gözlənilir. 

Lalə
Sfera.az