Yeni Zelandiya kabinetində kişi və qadın nazirlərin sayı bərabərləşib.

Sfera.az xarici mətbuata istinadən xəbər verir ki, Yeni Zelandiyanın Baş naziri Kris Hipkins bu gün keçirdiyi mətbuat konfransında kabinetdəki dəyişiklikləri açıqlayıb. O, millət vəkili Uillou Jan Praymıın mühafizə və gənclər naziri vəzifəsinə təyin edildiyini və bununla da Kabinetdə “gender bərabərliyi”nin əldə edildiyini bildirib.

K.Hipkins mövzu ilə əlaqədar mətbuat konfransında bunları qeyd edib:

“Bildiyiniz kimi, bu dönəmdə parlamentdə 50/50 təmsilçilik əldə edirik. Hesab edirəm ki, bu, çox gözəl bir şeydir və indi Nazirlər Kabinetində də bu baş Verdi. Əslində, bütövlükdə, kabinetdən kənar nazirləri hesablasanız, icra orqanlarında kişilərdən daha çox qadın var”.

Millət vəkili U.J. Praymın gender bərabərliyinə nail olmaq üçün təyin edilib-edilməməsi ilə bağlı suala isə Baş nazir "İş üçün ən uyğun insanı seçdiyimi söyləyəcəkdim" cavabını verib.

Lalə
Sfera.az