108 yaşlı Britaniya sakini Meri Enn Klifton növbəti ad gününü qeyd edərkən uzunömürlülüyünün sirrini bölüşüb.
 

Sfera.az bildirir ki, qadın naharda içki içməyin onun bu qədər yaşamasına kömək etdiyini hesab edir.
 

Bir çox dostları və ailə Kentdəki yaşlılar üçün Foxbridge Evinə Meri Ennin doğum gününü təbrik etmək üçün gəlib. Qadının iki övladı, dörd nəvəsi, on nəticəsi və yeddi kötücəsi var. Qocalar evinin rəhbərliyi yüzilliyin şərəfinə təntənəli çay süfrəsi təşkil edib, ona Kral III Çarlzın təbrik kartı təqdim olunub.
 

Çay mərasimi zamanı 108 yaşlı Meri Enn Kliftondan uzunömürlülüyünün sirrini açması istənilib. Qadın zarafatla cavab verib ki, bütün bunlar onun sevimli spirtli içkiləri və onları içmək üçün düzgün vaxt seçmək bacarığı sayəsindədir. Britaniyalı naharda stəkanla alkoqol qəbul etməyi xoşladığını da qeyd edib.


"Bu (içmək) mənə heç vaxt zərər verməyib"-deyə Meri Enn bildirib.


Meri həmişə gözəl paltarları sevib və Londonda dərzi işləyib. Daha sonra anasına məxsus mətbəəyə işə düzəlib. Klifton həyat yoldaşı ilə 12 yaşında olarkən tanış olub və onlar bütün ömürlərini birlikdə yaşayıblar.

Aysel

Sfera.az