“Baykar”ın texniki direktoru və ortaq sahibi Səlcuq Bayraktar “Bayraktar TB3” çoxfunksiyalı pilotsuz təyyarəsinin yeni fotolarını dərc edib.
 

Sfera.az bildirir ki, Selçuk Bayraktar “Kızılelma” qırıcı tipli zərbə pilotsuz təyyarəsindən sonra yeni TB3 İHA-nın ilk uçuşuna hazırlaşdığını qeyd edib. Qeyd edək ki, “Baykar”ın ilk dəfə İHA-nın gəmilərə yerləşdirmək üçün kompleks qanadları olacaq.


Selcuq Bayraktar: “Bayraktar TB3, böyük qardaşı Kızılelmadan sonra ilk uçuşuna qədər günləri saymaqdadır"-yazıb.
 

Yeni İHA-da PD170 turbodizel təyyarə mühərriki olacaq. Bu, TB2 üçün 150 kq-a qarşı dronun maksimum yükünü 280 kq-a qədər demək olar ki, iki dəfə artıracaq. Eyni zamanda, maksimum uçuş müddəti dəyişməz olaraq- 24 saata qədər qalacaq.
 

Türkiyə qısa uçuş-enmə zolağına malik ANADOLU desant gəmisində Bayraktar TB3-dən istifadə etməyi planlaşdırır. Gəminin göyərtəsində 30-40 TB3 yerləşdirmək mümkün olacaq. ANADOLU komanda mərkəzi eyni anda 10-a qədər təyyarəni idarə edə biləcək.


Xatırladaq ki, Türkiyə ilk dəfə 24 sentyabr 2021-ci ildə Bayraktar TB3-ün yaradıldığını elan edib. PUA-nın 2022-ci ildə səmaya qaldırılması planlaşdırılmışdı.

Aynil

Sfera.az