Rusiyanın müdafiə naziri Sergey Şoyqu Qara dəniz üzərində ABŞ-a məxsus PUA-ları vuran pilotları mükafatlandırmaq qərarına gəlib.

Sfera.az bildirir ki, bu barədə Rusiya Federasiyasının Müdafiə Nazirliyi məlumat yayıb. Nazirliyin bəyanatında həmçinin qeyd olunub ki, sözügedən pilotlar ölkə sərhədlərinin pozulmasının qarşısını alıblar.

Xatırladaq ki, ABŞ ordusuna məxsus MQ-9 müşahidə pilotsuz təyyarəsi çərşənbə axşamı Rusiya qırıcıları tərəfindən tutulduqdan sonra Qara dənizə düşüb. Pentaqon Rusiyanın iki “Su-27” qırıcısının Qara dənizdə ABŞ-ın MQ-9 pilotsuz uçuş aparatının qarşısını kəsməyə çalışdığını, təyyarələrdən birinin qəzaya uğraması zamanı isə MQ-9-un beynəlxalq sulara düşdüyünü açıqlayıb.

Günay Rəsulqızı