Sümüklərim parçalanır - Saakaşvili ölüm ayağında olduğunu bildirib
Gürcüstanın sabiq prezidenti Mixail Saakaşvili həbsxanadan köçürüldüyü xəstəxanada ölüm ayağında olduğunu bildirib.
Sfera.az bildirir ki, siyasətçi bunu martın 12-də Britaniyanın “Sky News” telekanalına müsahibəsində deyib.
Mixail Saakaşvili 120 kiloqramdan 64 kiloya qədər arıqladığını, çoxlu orqan çatışmazlığı ilə qarşılaşdığını bildirib. Saakaşvilinin vəkili Şalva Xaçapuridze də bildirib ki, müdafiə etdiyi şəxsin vəziyyəti hər gün pisləşir.
Çəkisi 60 kiloqramdan aşağı olarsa, o, çoxlu orqan çatışmazlığı ilə hədələnir.
“Əvvəlcə 120 kiloqram idim, indi 64 çəkim var, əgər çəkim 60-dan aşağı düşərsə, həkimlər çoxlu orqan çatışmazlığını proqnozlaşdırırlar”- deyə o bildirib.
Saakaşvili onu da bildirib ki, o, daim yataqdadır, sümükləri parçalanır və bu, dözülməz ağrılara səbəb olur.
Vəkili Saakaşvilini faşist Almaniyasındakı məhbusla müqayisə edib:
"Bu, dəhşətli mənzərədir. O, nasist Almaniyasındakı konslager məhbusuna bənzəyir"-deyə hüquq müdafiəçisi bildirib.
Bundan başqa, Mixail Saakaşvili parlamentin “xarici agentlər haqqında” qanun layihəsini birinci oxunuşda qəbul etməsindən sonra Tbilisi küçələrinə çıxan minlərlə nümayişçi qarşısında çıxış edib.
“Çox ayıq olun, oliqarx rejimin intiqamçı hissləri ucbatından mümkün qədər tez səfərbər olmağa hazır olun”- deyə o əlavə edib.
Xatırladaq ki, noyabrın 20-də Gürcüstanın eks-prezidentinin vəkili onun zəhərləndiyini bildirmişdi. Saakaşvilinin anası bildirib ki, onun orqanizmində ağır metalların miqdarı artıb. Öz növbəsində, Gürcüstan Penitensiar Xidməti belə bəyanatları təkzib edib.
Noyabrın 8-də Mixail Saakaşvilinin mətbuat katibi ona vərəm və demensiya diaqnozu qoyulduğunu bildirib. O, ümumiyyətlə, siyasətçidə 36 xəstəliyin təsdiq oluna biləcəyini istisna etməyib.
Aysel
Sfera.az
