Tarixdə bəşəriyyətin şahidi olduğu sirli və maraqlı hadisələr çoxdur. Bu hadisələrdən hər dəfə maraqlı olanları sizlərə təqdim edirik.

Bu dəfə isə Sfera.az sizə 20-ci əsrin ən paranormal ən qəribəsi “Belmezin Üzləri” haqqında məlumat verir. Bu yazıda biz bu inanılmaz fenomenə nəzər salacağıq.

Hər şey düz 52 il əvvəl başlayıb.

1971-ci ildə İspaniyanın Əndəluz əyalətinin 2000 nəfərin yaşadığı Bélmez de la Moraleda adlı kiçik qəsəbəsində növbəti illərin gündəmini zəbt edəcək hadisələr baş verməyə başlayacaqdı. Bir axşam Mariya və Xuan mətbəxlərinin beton döşəməsində qəfil görünən ləkə ilə qarşılaşırlar.

Vəziyyətə o qədər də əhəmiyyət verməyən cütlük səhəri axşam eyni ləkənin üz şəkli aldığını görür. Mariya ləkəni silməyə çalışır, lakin uğursuz olur: üz olduğu kimi orada dayanır. Əri döşəməni tamamilə sındırmaq qərarına gəlir və sonra onun yerinə yeni beton tökülür. 1 həftə heç nə olmur, həftənin sonunda sifət yenidən görünür.

Hadisə onsuz da kiçik olan şəhərin hər yerində eşidilir. Hər gün qonşuları gəlib bu maraqlı hadisəni öyrənməyə başlayır. 20-ci əsrin ən çox müşahidə edilən hadisələrindən biri olan bu hadisə nəticəsində ailənin şöhrəti yavaş-yavaş qəsəbəyə yayılır. Vəziyyətdən dəhşətə gələn ailə yenidən yer sındırmaq qərarına gəlir.

Lakin səlahiyyətlilər buna icazə vermir və yerin sahəsinin araşdırılacağını bildirirlər. Həmin hissə yerdən çıxarılır və səlahiyyətlilər tərəfindən aparılır. Bu arada evin döşəməsində digər araşdırmalar davam edir və dərinlikdə hər kəsi şoka salan bir kəşf edilir.

Evin aşağı hissələrində 1200-cü illərə aid çoxlu skeletlər tapılır, çoxu da başsız. Bu skeletlər çıxarılaraq qəbiristanlıqda basdırılır. Evin döşəməsi bərpa olunub, bərpa işlərinə son qoyulur.

Qısa müddətdən sonra üzlər yenidən görünür.

Hadisənin nüfuzu artdıqca dünyanın hər yerindən keşişlər, jurnalistlər və paranormal tədqiqatçılar şəhərə axın edir. Hadisəni öz gözləri ilə görən bu şəxslər heç cür izahat verə bilmirlər. Alman tədqiqatçısı Hans Bender bu fenomeni 20-ci əsrin ən mühüm paranormal hadisəsi elan edir.

Bu zaman şəkillər daha aydınlaşır və üz ifadələri yumşalır, sanki Belmezdəki üzlərdə bir cavanlaşma var idi. Bu dəyişiklik təkcə 2 professor tərəfindən deyil, həm də onların assistent köməkçiləri və psixologiya tələbələri tərəfindən də müşahidə olunur və təsdiqlənir. Üstəlik, şəkillərdəki üz cizgilərinin ifadələri onlara baxan insanlara görə dəyişirmiş kimi görünürdü.

İddialara görə, bu əsrarəngiz simalar kiminə gülümsəyərək, kimi qəzəbli, kimi nadinc ifadələrlə baxır, sanki onlara baxanların hisslərini anlayırdılar. Bundan başqa, Migel onların üzlərini çəkiclə sındırdığına görə Migelə son dərəcə düşmən və qəzəbli baxışlarla baxırdılar. Digər tərəfdən, Mariyaya daha kədərli bir ifadə ilə baxdılar, sanki yaratdıqları qarışıqlığa görə üzr istəyirdilər.

Sonradan araşdırmalar sürətləndirildi.

Professor Benderin, tədqiqatçı televiziya qrupunun, notariusun və məişət işçilərinin nəzarəti altında mətbəxin döşəməsi hər biri rəsmlərin bir neçəsini tam əhatə edəcək qədər böyük olan hissələrə bölünür, hər bölmədəki üz təsvirləri diqqətlə çəkilir və lentə alınıb.

Daha sonra döşəmənin hər bir hissəsi nazik təbəqə ilə suvanmışdır. Daha sonra notariusun nəzarəti ilə bütün otağa xüsusi suvaq layı vurulub, pəncərələr bağlanaraq möhürlənib. Qapıda və pəncərənin altında 24 saat xidmət edəcək polis mühafizələri qurulub, otaq 3 ay bağlı saxlanılıb. 3 ayın sonunda bütün aidiyyəti şəxslərin iştirakı ilə mətbəxin möhürləri götürüldükdə şəkillərin daha da aydınlaşdığı görülür.

Bu arada, son hadisə ailənin evində aparılan araşdırmaları yeni səviyyəyə qaldırıb. Benderin ifadəsinə görə, o, mətbəxdə əyilib rəsmə baxarkən bir əlin onun boynunun arxasına vurduğunu hiss edib. Bu hadisə 4 dəfə ard-arda baş verib və hər dəfə dönüb gedən Bender qəfildən kölgə itmiş kimi hiss edib. Təəccüblənən və təsirlənən Bender araşdırmanı daha da genişləndirmək qərarına gəldi. Bunun üzərinə bütün evdə radioaktivlik, üzvi və sintetik komponentlər, rentgen şüaları, səs monitorinqi və diaqram təcrübələri, ultrabənövşəyi və infraqırmızı şüalar altında fotoşəkillər və araşdırmalar kimi hər cür zəruri araşdırmalar aparılmağa başlandı; lakin heç bir fövqəltəbii varlığın əlaməti tapılmır.

Daha sonra bu hadisəyə bir çox elmi izahlar gətirilməyə çalışılıb. Bu üz işarələrinin işığa reaksiya verən səthdəki kimyəvi maddələrin nəticəsi olduğu düşünülür; lakin bu iddia sübuta yetirilə bilmir. Paranormal tədqiqatçılar bu üzləri Marianın düşüncə və hisslərinin fiziki təzahürü hesab edirlər. Onlar bildirirlər ki, bu sifətlər Marianın əhval-ruhiyyəsinə, istək və düşüncələrinə uyğun formalaşdırılıb. Mariya evdə olmayanda üzlərin formalaşmaması da paranormalistlərin bu iddiasını dəstəkləmək kimi görünür.

2004-cü ildə Mariya 85 yaşında vəfat edir. Onun ölümü ilə bir çox insanlar ləkələrin artıq baş verməyəcəyini düşünür. Buna baxmayaraq, tamamilə fərqli olmaqla, üzlər hələ də görünməyə davam edir. Hadisənin yenidən populyarlaşması ilə vəziyyətlə bağlı İspaniya mətbuatından təkzib verilir və yeni simaların formalaşmadığı, bunların araşdırmaçı Pedro Amorosun yalanları olduğu izah edilir.

Bəs bu qəribə hadisənin pərdə arxasında nə idi?

İllərdir evdə üzlərin olmasına və turistlərin evə axışmasına baxmayaraq, əslində hadisənin bütün sirri artıq səlahiyyətlilər tərəfindən açılıb. Lakin bu həll hadisənin özü qədər maraqlı olmayacaqdı, çünki illər ərzində turistik fəaliyyətlərdə heç bir azalma olmayıb. Səlahiyyətlilərə görə, əslində baş verənlər evin oğlu Dieqonun iş dəzgahı olub. Belə bir plan quran Dieqo diqqət çəkərək şöhrət qazanmaq istəyirdi. Planda onun valideynlərinin də iştirak edib-etmədiyi məlum deyil, lakin bir müddət sonra ailə evi görməyə gələn turistlərdən qonorar tələb etməyə başlayıb. Üzlərin beton döşəməyə əvvəlcə boyalarla, sonra isə turşunun köməyi ilə çəkildiyi müəyyən edilib. Xülasə, 20-ci əsrin ən paranormal hadisəsi əslində heç də paranormal olmasa da və aydınlaşdırılsa da, illərlə insanların diqqətini çəkməyi bacarıb. Nə deyək, insan həqiqətən qəribə məxluqdur???

Aynil