Ukraynalılar məğlubedilməzə necə çevrildilər? - “Telegraph” agentliyinin yazısı

Rusiyalı hərbçilər tərəfindən öldürülən ukraynalı əsirin mübarizə əzmi ilə bağlı yayılan video geniş müzakirələrə səbəb olub.

Sfera.az xəbər verir ki, bu barədə “Telegraph” agentliyində məqalə yayımlanıb.

Məqalədə bildirlib ki, ömrünün son anlarında əsirin “Slava Ukraini” deyərək meydan oxuması Rusiya Prezidenti Vladimir Putinə mesajdır: “Bizi istədiyiniz qədər öldürə, işgəncə verə bilərsiniz, amma mübarizə əzmimizi qıra bilməzsiniz”.

Bu itaətsizlik ötən ilin fevralda Ukraynaya qoşun yeridən Putinin gözləntilərinin tam əksidir. Onun “xüsusi hərbi əməliyyatı” heç də müharibə kimi planlaşdırılmamışdı: bu, qorxu salmaq, marionet rejimi qurmaq və Ukraynanı geri çəkilməyə məcbur etmək məqsədi daşıyan hərbi-psixoloji aksiya idi. Buna görə də əzmkar rəqibi məğlub etmək üçün çox az qüvvə ilə hücuma keçilmişdi.

Rusiya Federal Təhlükəsizlik Xidməti başda olmaqla, kəşfiyyat orqanları Putinə rusdilli ukraynalıların işğalçıları qucaq açaraq qarşılayacaqlarını demişdilər. Bunun baş verməsini təmin etmək üçün uzun illər ərzində Rusiyanın təhlükəsizlik xidmətlərinə böyük məbləğlər ödənilib. Amma Rusiya kəşfiyyat orqanlarının bu məsələdə yanıldığı ortaya çıxdı. Pis hazırlıqlı rus qoşunları sonradan partizanların onlara qarşı döyüşdüyü rusdilli ərazilər də daxil olmaqla, onları təəccübləndirən müqavimət səviyyəsi ilə qarşılaşdı. ABŞ agentliklərinin qiymətləndirməsi Ukraynanın tez bir zamanda dağılacağından ibarət idi.

Ukraynalılar həm rusların, həm də amerikalıların bu qədər yanıldığını necə sübut edə bildilər? Bu sualın cavabı bizi yenidən Ukrayna meşələrində naməlum əsgərin qətlinə aparır. Onun ölüm anında belə göstərdiyi müqavimət Ukrayna ordusunun simvoluna çevrilib.

Mariupolda ukraynalı müqaviləli dəniz piyadası kimi döyüşmüş keçmiş britaniyalı  Şaun Pinner deyir ki, heç bir pul, təhdid və ya yaltaqlıq insanı ölə biləcəyini bilərək döyüşməyə məcbur edə bilməz. Mənəviyyat güclü liderlik, sağınız və solunuz üçün həyatınızı riskə atmağa vadar edən komanda birliyinə, ailənizin və ölkənizin verdiyiniz mübarizədən asılı olduğunu bilmək və etdiyiniz işin doğru olduğuna inamla əldə edilir.

Bacarıqsız rəhbərliyi olan rus qoşunları təbliğata rəğmən nə üçün vuruşduqlarını bilmirlər, belə bir üstünlükdən məhrumdurlar. Bəzilərinin silah gücü ilə döyüşə məcbur edilməsi hekayələri də var.

Şükürlər olsun ki, Ukraynada bu çatışmazlıqlar yoxdur. Keçən ilin fevralında Putinin planlarının puça çıxmasının ən mühüm səbəblərindən biri Zelenskinin rəhbərliyi, Kiyevdə qalması və öz nümunəsi ilə ölkəni bir araya gətirməsi idi. Onun Qərb tərəfindən təlim keçmiş ordusu sklerotik ruslar üzərində əməliyyat və taktiki üstünlüklərə malikdir. Ukrayna hərbi kəşfiyyatı, qismən Britaniya və ABŞ-ın birbaşa müdaxiləsi sayəsində müstəsna dərəcədə uğur qazanıb.

İnci