İlon Mask yenidən dünyanın ən zəngin insanı oldu

Amerikalı iş adamı İlon Mask planetin ən zəngin insanlarının reytinqinə yenidən başçılıq edib. 

Sfera.az xəbər verir ki, bu barədə Bloomberg məlumat yayıb.

Agentliyin məlumatına görə, Maskın sərvəti hazırda 187,1 milyard dollardır.

Tesla və SpaceX şirkətlərinin sahibi sərvəti 185,3 milyard dollar olan LVMH qrupunun sədri Bernard Arnonu keçib.

Maskın aktivləri Tesla-nın səhmlərinin qiymətinin təxminən 70 faiz yüksəlməsi sayəsində artıb. Buna həm də şirkətin elektrik avtomobillərinin qiymətini aşağı saldıqdan sonra tələbatın artması da kömək edib. 

Qeyd edək ki, amerikalı milyarder Tvitter-i 44 milyard dollara aldıqdan sonra böhran vəziyyətində olan şirkətin xərclərini kəskin şəkildə azaltmağa başlayıb. 

O, işçilərinin yarıdan çoxunu ixtisar edib, marketinq kommunikasiyaları və digər xidmətlər üçün xərcləri azaldıb. Onun sözlərinə görə, Tvitter hər gün 4 milyon dollar itirirmiş.

Maskın rəhbərliyi altında şirkət irəliləyişə nail olub, müflisləşməkdən yayınıb.

İnci