Samsung-un casusluq skandalı
Cənubi Koreyanın Samsung şirkətinin yeddi keçmiş işçisi Çinin xeyrinə sənaye casusluğunda təqsirli bilinərək həbsə atılıb.
Sfera.az bildirir ki, Samsung sənaye casusluğu qalmaqalı öz prosessorlarını risk altına qoyub.
Casuslar Çinin sanksiyalara görə,çox ehtiyac duyduğu çiplərin və yeni texnologiyaların istehsalı ilə bağlı məxfi məlumatları toplayıb.
Qrupun təşəbbüskarı, Samsung-un törəmə şirkəti olan Semes-in mühəndislərindən biri 4 il müddətinə azadlıqdan məhrum edilib. Qalanları isə iki ilə qədər həbs cəzası alıb. Məhkəmə şirkəti 768 min dollar cərimələyib.
Cinayətkarlar bir neçə ildir ki, Çin üçün casusluq edir və çiplərin inkişafı ilə bağlı bir çox məxfi faylları mənimsəyə biliblər. Onların əsasında yarımkeçirici texnologiyanın 24 çertyojları yaradılmış, rəqabət aparan Çin firmalarına və adı açıqlanmayan Çin tədqiqat institutuna verilmişdir.
Qeyd edək ki, ASML çiplərin istehsalında Samsung ilə fəal əməkdaşlıq edir.
Mütəxəssislər qeyd edirlər ki, Çin yarımkeçiricilərin öz inkişafında çox geri qalır. Çin bu bazarda monopolist olan və sanksiyalara əməl edən Niderland, ABŞ və ya Yaponiyadan istehsal üçün litoqrafiya avadanlıqları ala bilmir. Xüsusi litoqrafiya Çin şirkətlərinə yalnız 16 nm texnologiyasından istifadə edərək çiplər istehsal etməyə imkan verir. Hollandiya ASML-dən litoqrafiya avadanlığına sahib olan Tayvan TSMC isə artıq 3 nm çipləri fəal şəkildə istehsal edir.
Samsung ASML də litoqrafiya avadanlıqlarından istifadə edir və bu sənaye casusluğu hadisəsi şirkətin top menecerlərini çox narahat edib. Hollandiyalı tərəfdaş Cənubi Koreyada çiplərin istehsalını təhlükə altına salacaq bir şey baş verərsə, birgə əməkdaşlığa son verə bilər.
ASML-in özünün də sənaye casusluğu ilə bağlı kifayət qədər problemləri var. Bu yaxınlarda şirkət keçmiş işçilərindən birinin çinlilər tərəfindən çevrildiyi barədə məlumat yayıb və onlara litoqrafiya avadanlığının istehsalı haqqında bəzi məlumatlar verib.
Xatırladaq ki, ABŞ, Yaponiya və Hollandiya Çinə qarşı sanksiyalar mübarizəsində birləşib. Bu da Çinin müasir prosessorlardan tamamilə məhrum olmaq riskini artırır.
Aynil
Sfera.az
