Suriyanın şimalında, Hələb şəhəri yaxınlığında dağılmış binaların dağıntıları altından yeni doğulmuş körpə tapılıb.

Sfera.az xəbər verir ki, bu barədə “Al Arabia” telekanalı məlumat yayıb.

Yayılan görüntülərdə xilasedicilərin uşağı dağıntılar altından çıxardığı görünür. Körpənin bədənində gözlə görünən hər hansısa xəsarətlər olmayıb. Onun vəziyyəti ilə bağlı təfərrüatlar hələlik məlum deyil.

Şahidlərin sözlərinə görə, uşağın anasını xilas etmək mümkün olmayıb.

Bundan əvvəl Hələbdən şəhərin köhnə Əl-Aqaba rayonunda xilas edilən yeni doğulmuş qızla bağlı məlumat daxil olub. Dəməşqdən 360 km şimalda yerləşən bu əyalət mərkəzində zəlzələ zamanı 47 bina dağılıb.

Əzizə