Talibanın qız tələbələrin təhsil hüququnu əngəlləməsinə qarşı çıxan akademik Prof. İsmail Məşəl pulsuz kitab paylayarkən saxlanılıb. Prof. İsmayıl Məşəl döyülərək nəzarətə götürülüb.

Sfera.az bildirir ki, akademik Məşəl təxribat əməllərində ittiham olunduqdan sonra Taliban tərəfindən həbs edilib.

Şahidlərin dediyinə görə, professor həbs olunan zaman Taliban qüvvələri tərəfindən sillə və yumruq zərbələri alıb.

Xatırladaq ki, İsmayıl Məşəl Talibanın qızların universitet və orta məktəblərdə təhsil almasına qadağa qoymasına etiraz olaraq canlı televiziyada öz diplomlarını cırması ilə məşhurlaşıb. İnformasiya və Mədəniyyət Nazirliyinin Taliban rəsmisi Əbdül Haq Hammad öz Tvitter hesabında Məşəlin jurnalistləri əsas yolda toplamaqla xaos yaratmaqda günahlandırıldığını açıqlayıb.

Şahidlərin dediyinə görə, professor həbs olunan zaman Taliban qüvvələri tərəfindən sillə və yumruq zərbələri alıb. Bununla belə, Əbdül Haq Hammad professorla həbsdə yaxşı rəftar edildiyini iddia edib.


“Təhsil ya hamıya verilir, ya da heç kimə”

Qeyd edək ki, keçmiş jurnalist Prof. Məşəl Kabildə jurnalistika, mühəndislik və kompüter mühəndisliyi dərsləri verən özəl universitetə ​​rəhbərlik edib. Universitetin tələbələrindən 450 nəfəri də qadın olub.

Prof. Məşəl dekabr ayında Taliban qız tələbələrin növbəti bildirişə qədər universitetə ​​daxil ola bilməyəcəyini elan etdikdə məktəbini tamamilə bağladığını və "təhsil ya hamıya verilir, ya da heç kimə verilir" deyib.

“Mənim yeganə gücüm qələmimdir, məni öldürsələr də, parçalasalar da, susmayacağam”.


Bu mövzuda həyatı bahasına da olsa, səssiz qalmayacağını deyən Prof. Məşəl bundan sonra çoxlu hədələr alıb. Bunun əksinə olaraq, o, demək olar ki, hər gün Əfqanıstan mediasına müsahibələr verir və əl arabasında pulsuz kitablar paylayırdı.
 

Ötən ay BBC-yə müsahibə verən Prof. Məşəl “Mənim yeganə qüvvəm qələmimdir, öldürsələr də, parça-parça etsələr də, susmayacağam”- deyə bildirib.

Aysel