\"Qərb Ermənistan və \"Artsax\"ı qoruya bilməyəcək, ümid Rusiyayadır\" -  Hovhannisyan

"Ermənistan hökuməti bizə heç bir real müttəfiq qoymayıb. Bütün güc mərkəzlərinə ziddiyyətli vədlər vermək nəticəsində hamının etibarını itirmişik". 

Sfera.az xəbər verir ki, bunu erməni ekspert Vahe Hovhannisyan bildirib.

O, Ermənistanın yalnız sözdə dəstək aldığını deyib.

"Biz hər kəsdən ciddi praktiki dəstək olmadan yalnız vədlər alırıq. Bu, çox təhlükəli vəziyyətdir. Biz bütün böyük dövlətlərin hakimiyyətini dəyişə bilmərik, ona görə də biz Ermənistan hökumətini dəyişməliyik ki, yenisi bu vəziyyəti dəyişə bilsin. 

Ermənistan və Artsax birbaşa fiziki təhlükə altındadır. Əsas məhdudlaşdırıcı amil Rusiya ordusunun mövcudluğudur. Biz yeganə çəkindirici qüvvənin aradan qaldırılmasını tələb edə bilmərik və düşüncəsizcə anti-Rusiya təbliğatı ilə məşğul ola bilmərik, çünki bu, öz qırğın ehtimalımızı artırır. Qərb dövlətləri erməni xalqının başa düşməsi üçün neçə dəfə deməlidir ki, Ermənistanın və Artsaxın təhlükəsizliyini təmin edə bilməyəcəklər?", - Hovhannisyan vurğulayıb.

Əzizə Zeynal