Amerikalı reper, prodüser, dizayner və Kim Kardaşyanın keçmiş əri Kanye Uest yenidən böyük qalmaqalın episentrindədir. Tez-tez insayderlər, media tərəfindən “başdanxarab” adlandırılan reper şəklini çəkməyə çalışan qadının əlindən telefonu alıb onu sındırdığı video ilə yenidən gündəm olub.
 

Sfera.az bildirir ki, hadisə Kanye qızı Nortla gəzintiyə çıxan zaman baş verib. Reper qızını basketbol oyunundan götürərkən kameranın ona yönəldiyini görüb.
 

Uest qadının avtomobilinə yaxınlaşaraq onu küçədə belə çəkməyə haqqı olmadığını bildirib. Öz növbəsində pərəstişkarı ulduzla mübahisə etməyə çalışaraq məşhur olduğu üçün onu lentə aldığını bildirib. Bu cavab Uesti daha da qəzəbləndirib və o, telefonu qadının əlindən alıb, atıb.


Hadisə paparassilərə tuş gəlib və onlar hər şeyi öz kameralarına yazdırıb, həm də polisə müraciət edilib. Medianın məlumatına görə, hüquq-mühafizə orqanlarının əməkdaşları Uestə qarşı cinayət işi açıb və hazırda məşhurla bağlı araşdırma aparılır.

Yeri gəlmişkən, videonun fraqmentlərindən birində Uestin yanındakı sərnişin oturacağında musiqiçinin bu yanvarda gizli şəkildə evləndiyi yeni həyat yoldaşı Bianca Censori də olub.

Aysel