Britaniya kraliçası Kamillanın oğlu 48 yaşlı Tom Parker-Boulz ictimaiyyət qarşısında və paparassi kameralarından uzaq durmağa üstünlük verir. Ancaq Şahzadə Harri xatirələr kitabını buraxdıqdan sonra bu qadının ilk evliliyindən olan uşaqlarının hər görünüşü məlumat üçün bir fürsətə çevrilir. 

Sfera.az bildirir ki, Tomun bu həftə Londondakı Grouch klubunda şəkil çəkdirməsi Britaniya mətbuatında gündəm olub.

Çarlzın ögey oğlu ilk dəfə kitabın nəşrindən sonra ictimaiyyət qarşısında görünüb. Onun əhvalı yüksək olub.

Tom təkcə Britaniya kralının xaç oğlu və ögey oğlu olması ilə tanınmır. Parker-Bowles yazıçı və yemək tənqidçisi kimi də tanınıb. O, yeddi yemək kitabının müəllifidir və 2010-cu ildə Britaniya yeməkləri üzərində işinə görə Qida Yazıçıları Gildiyası Mükafatını almışdır. Bu adam çoxsaylı televiziya şoularında münsif kimi çıxışları və GQ, Esquire və The Mail üçün Böyük Britaniyada və xaricdə restoran yeməkləri ilə bağlı rəyləri ilə tanınır.

Bildiyimiz kimi, Şahzadə Harri kitabında qardaşı Uilyamla birlikdə atalarından Kamilla ilə evlənməməyi xahiş etdiyini etiraf edib. O, ögey anasının ona qarşı sərt davranacağını istisna etməyib. Tənqid bununla bitməyib.

"Çarlzın qanuni nikahını məhv edərək taxta çıxan bir qadın kimi ictimai imicini düzəltmək üçün hesablanmış bir gündəm var idi”-deyə o, kitabında qeyd edib.

 Şahzadə media ilə əlaqəsi olduğu üçün Kamillanı "təhlükəli" adlandırmağa qədər gedib.

O, ögey anasını “bədxah” və “evlilikdə üçüncü şəxs” adlandırıb.

Aysel