2022-ci ildə Moskvada son 105 ildə rekord sayda nikah qeydə alınıb.

Sfera.az TASS-a istinadən xəbər verir ki, Rusiyanın paytaxtında ilk dəfə olaraq nikahların sayı 100 mini ötüb.

Paytaxt meriyasının məlumatına əsasən, 2022-ci ildə nikah sayı 15 faiz artıb. Paytaxtda 100 613 cüt nikaha daxil olub. Bu, 1918-ci ildən bəri qeydiyyata alınan ən yüksək göstəricidir. 

Sosial inkişaf məsələləri üzrə mer müavini Anastasiya Rakova qeyd edib ki, bağlanan nikahların sayı ilk dəfə 100 min həddinə 2014-cü ildə çatıb. Amma sonrakı illərdə bu həddi keçmək mümkün olmayıb. 

Moskvalıların evlənmək üçün ən çox seçdiyi tarix fevralın 22-si olub. Həmin tarixdə Moskvada 1,5 minə yaxın cütlük evlənib. 

Evlənmək üçün həftənin ən populyar günü isə şənbədir. Şənbə günü nikahların 30%-i bağlanıb.

Məlumat üçün bildirək ki, Moskva əhalisinin sayı 13 milyon nəfərdir. Ötən il Moskvada hər 1000 nəfərə 7,7 nikah düşüb. 

Bakı ilə müqayisədə Moskvada nikahların sayı daha çoxdur. Bakıda hər 1000 nəfərə 6,5-7 nikah düşür. 

Azərbaycanda isə bu göstərici 6,2-dir.  

Vasif