Rusiya-Ukrayna danışıqları nə zaman bərpa ediləcək? – XİN rəsmisi AÇIQLADI
“Rusiya ilə Ukrayna arasında danışıqlar bərpa olunarsa, çox güman ki, bu, vasitəçisiz olacaq”.
Sfera.az bildirir ki, bunu Rusiya Xarici İşlər Nazirliyinin MDB ölkələri üzrə ikinci departamentinin direktoru Aleksey Polişçuk deyib.
O, sözügedən seçimi “ən yaxşı variant” adlandırıb:
“Praktika göstərir ki, Qərb vasitəçiləri çox vaxt öz məqsədlərini güdürlər. Onlar münaqişənin həlli üçün deyil, öz siyasi və iqtisadi maraqlarından çıxış edərək danışıqların gedişinə təsir göstərməyə çalışırlar”.
Diplomat diqqəti ötən il Ukrayna tərəfi ilə danışıqların məhz birbaşa aparıldığına yönəldib.
“İndiyədək biz ukraynalılarla yalnız bizə nəzakətlə təqdim olunan platformalardan istifadə edərək birbaşa əlaqə saxlamışıq və bunu həqiqətən yüksək qiymətləndiririk. Ötən ilin fevral-aprel aylarında Rusiya-Ukrayna dialoqunun üç raundu Belarusda, biri isə Türkiyədə keçirilib. Sonra demək olar ki, gündəlik əlaqə video bağlantı vasitəsilə qurulub. Bu, ukraynalılarla birbaşa danışıqlar idi”, - deyə Polişçuk xatırladıb.
Günay Rəsulqızı