Bütün dünya şahzadə Harrinin ailəsinə qarşı ifadə etdiyi qalmaqallı xatirələrini müzakirə edərkən, kral ailəsinin üzvləri bu müddət ərzində susub. Onlar sadəcə vəzifələrini ləyaqətlə yerinə yetirməyə davam edib.
 

Sfera.az Britaniya mətbuatına istinadən bildirir ki, Uels şahzadələri bu gün Liverpola səfər edib. Onlar Liverpulda psixi sağlamlıqla bağlı dəstək işçiləri ilə görüşüblər.
 

Uilyam və Keyt səfərlərinə Kral Liverpul Universiteti Xəstəxanasını ziyarət etməklə başlayıblar. Qeyd edək ki, sözügedən tibb müəssisəsi ötən ilin oktyabrında istifadəyə verilib. Xəstəxana 40 il fəaliyyət göstərən köhnənin əvəzinə tikilmiş müasir xəstəxanadır. Bu gün o, bütün xəstələri ayrıca yataq otaqları ilə təmin edən Böyük Britaniyanın ən böyük müəssisəsidir.
 

640 çarpayı, o cümlədən xəstələr üçün 40 reanimasiya çarpayısı ilə təchiz olunmuş Royal Liverpool Xəstəxanası bir çox ixtisaslaşdırılmış xidmətlər və hərtərəfli qayğıya diqqət yetirir.


Cütlük xəstəxana ziyarəti zamanı Harrinin kitabı ilə bağlı müxbirlərin suallarını cavablandırmayıb. Şahzadələr sadəcə toplaşan insanları salamlayaraq tez içəri keçiblər.
 

Cütlük xəstəxana işçiləri ilə görüşüb, çətin koronavirus pandemiyası zamanı işləyənlərlə söhbət edib.
 

Uilyam və Keyt ilə görüşənlər arasında dəstək və təcili yardım işçiləri də olub.
 

Xəstəxanadan sonra Kembric hersoqları Birkenheaddəki Açıq Qapı Xeyriyyə Cəmiyyətini ziyarət ediblər.

Aynil