Rusiya və ABŞ arasında gülməli kriz - Səmada mesaj
ABŞ-a məxsus döyüş təyyarəsinin Suriyadakı Rusiya aviabazasının yaxınlığında səmada penis işarəsi çəkməsi iki ölkə arasında böhrana səbəb olub.
Sfera.az bildirir ki, ABŞ Hərbi Hava Qüvvələrinə məxsus KC-135 təyyarəsinin Suriyadakı Rusiya bazası yaxınlığında uçan marşrutu gündəmə gəlib.
Hadisə, yola saldığımızın ilin noyabr ayında baş verib.
Ötən ay ərzində Rusiya ABŞ Hərbi Hava Qüvvələrinə məxsus KC-135 təyyarəsinin uçuş radarlarında qəribə konfiqurasiya buraxdığını müşahidə edib.
“FlightRadar24”ün məlumatına görə, təyyarə Suriyada Rusiya bazasının yerləşdiyi ərazinin yaxınlığında, Kipr və Livan arasındakı marşrutu ilə penis görüntüsü yaradıb.
ABŞ-dan açıqlama: Qəsdən edilməyib
Görüntü qısa müddətdə sosial mediada gündəm olarkən ABŞ-dan rəsmi açıqlama da gəlib.
ABŞ Hərbi Hava Qüvvələrinin sözçüsü kapitan Ryan Goss verdiyi açıqlamada hadisənin qəsdən baş vermədiyini bildirib.
“Şərqi Aralıq dənizində fəaliyyət göstərən KC-135 Stratotanker (RAKE71) missiya zamanı bir çox fərqli uçuş marşrutları üzrə hərəkət edib. Bu düzəlişlər və hərəkətlər qəsdən edilmiş görünə bilər. Lakin nə pilotun, nə də bizim bölmənin belə bir niyyəti yoxdur. Bunu araşdırmağa davam etdikcə, USAFE-AFRICA, AMC (Hava Hərəkətliliyi Komandanlığı) və Hərbi Hava Qüvvələri ən yüksək peşəkarlıq və aviasiya standartlarını qorumağa davam edəcəyik”-deyib.
Xarici mətbuat gündəmdə olan görüntülərlə hadisənin yeni bir böhrana səbəb ola biləcəyini və Rusiyanın bu “istəksiz marşrut”dan narahat ola biləcəyini yazıb.
İngilis mətbuatında bu xəbər “Rusiyanı ələ saldılar” kimi yer alarkən, ABŞ mətbuatı hadisənin Rusiya bazası yaxınlığında baş verdiyinə diqqət çəkib.
Aysel
Sfera.az