Ötəm gün milyarder Bernard Arnaud qızı Delfinanı “Dior”un baş direktoru və Direktorlar Şurasının sədri elan edib.
 

Sfera.az bildirir ki, milyarderin qızı hal-hazırda “Louis Vuitton”un icraçı vitse-prezidenti vəzifəsini icra edir. O, fevralın 1-dən yeni vəzifəsinin icrasına başlayacaq.
 

"Delfinanınrəhbərliyi altında “Louis Vuitton” məhsulları daha arzuolunan hala gəlib və bu, brendə müntəzəm olaraq yeni satış rekordları vurmağa imkan verib. Onun dərin anlayışı və misilsiz təcrübəsi “Christian Dior”un gələcək inkişafında həlledici rol oynayacaq"-deyə Bernard Arnault bildirib.
 

Xatırladaq ki, fransız iş adamının 47 yaşlı qızı London İqtisadiyyat Məktəbində təhsil alıb. O, ailə biznesinə 2000-ci ildə “McKinsey” konsaltinq firmasında iki il işlədikdən sonra başlayıb.
 

2003-cü ildə “LVMH”nin idarə heyətinə qatılaraq ilk qadın və ən gənc üzv olub.


Xatırladaq ki, Bernard Arnault bir müddət öncə Milanın mərkəzində əvvəllər Leonardo da Vinçiyə məxsus olan “Casa Degli Atellani” mülkünü almaqla gündəmə gəlib.

Sfera.az