Rusiya Prezidentin mətbuat katibi Dmitri Peskov Dövlət Dumasının Müdafiə Komitəsinin rəhbəri Andrey Kartapolovun hərbi xidmətə çağırış üçün yaş həddinin dəyişdirilməsi ilə bağlı bəyanatını şərh edib.

 
Sfera.az “Kommersant” qəzetinə istinadən xatırladır ki, deputat bu ilin yazında çağırış yaşının 30 yaşadək qaldırıla biləcəyini deyib. 

Peskov qeyd edib ki, təklifləri Müdafiə Nazirliyi təqdim etməlidir.

“Çünki bu məsələ Müdafiə Nazirliyinin səlahiyyətindədir. Konseptual olaraq, həqiqətən də, bu ideya dövlət başçısı tərəfindən dəstəkləndi, lakin bu ideyanın təfərrüatları dəqiqləşdirilməlidir”, - deyə Peskov mətbuata açıqlamasında bildirib. 

Xatırladaq ki, ötən ilin dekabrında müdafiə naziri Sergey Şoyqu çağırış yaşının hədlərini mərhələli şəkildə 18-dən 21 yaşa, maksimum çağırış yaşının isə 27-dən 30-a qaldırmağı təklif edib. 

Vasif