Rus ticarət gəmisi "Lady R" keçən ay Cənubi Afrikanın ən böyük dəniz bazasında gizli yanalmadan əvvəl transponderini söndürüb və burada naməlum yükləri limana çatdırıb. Sonra sirli məzmunlu yeni konteynerlər gəmiyə yüklənib.
 

Sfera.az “The Wall Street Journal”a istinadən xəbər verir ki, Cənubi Afrika Simonstown dəniz bazasında gəminin nə daşıdığını və ya ona nə yükləndiyini söyləməkdən imtina edib. Cənubi Afrikanın müdafiə naziri ABŞ-ın bütün suallarını cavablamağı rədd edib.
 

“Lady R” gəmisi Rusiyanın “MG-FLOT” MMC gəmiçilik şirkətinə məxsusdur. Gəminin Cənubi Afrika limanına naməlum yüklə daxil ola bilməsi onu deməyə əsas verir ki, Qərbin Rusiyaya qarşı sanksiyalar tətbiq etməsi kifayət qədər çətindir.
 

ABŞ-ın yüksək rütbəli rəsmisi isə jurnalistlərə bildirib ki, Vaşinqton Cənubi Afrika ordusunun “Lady R” gəmisinə verdiyi dəstəkdən, o cümlədən dəniz bazasına yüklərin daxil olmasına və daşınmasına icazə verilməsindən narahatdır.
 

Jurnalistlər gəminin 2 gün ərzində Simonstaun limanında boşaldıldığını yazır. Məhz bu günlərdə bütün ölkədə elektrik enerjisi kəsilib.
 

"Lady R-yə yüklənmiş konteynerlərin doldurulması ilə bağlı ictimai sahədə heç bir məlumat yoxdur" -deyə ABŞ rəsmisi bildirib.
 

Millət vəkili və müxalif Cənubi Afrika Demokratik Alyansının müdafiə sözçüsü Kobus Mare ona “Lady R”nin Rusiyadan sursat çatdırdığı barədə məlumat verildiyini bildirib.
 

Qeyd edək ki, ABŞ hələ 8 may 2022-ci ildə şirkətin “Transmorflot LLC” adından istifadə etdiyi zaman “Lady R” və “MG-FLOT”a qarşı sanksiyalar tətbiq edib. Vaşinqton şirkət və gəmilərinin Rusiya hökumətini silahla təmin etdiyini bildirib. Noyabr ayında gəminin Cənubi Afrikaya getdiyini öyrəndikdə, ABŞ səfirliyi Cənubi Afrika hökumətinə gəminin sanksiyalar altında olduğu barədə xəbərdarlıq edib.
 

ABŞ qanunlarına uyğun olaraq, Vaşinqton sanksiyalar altında olan gəmiyə xidmət göstərən istənilən hüquqi şəxs və ya ölkəyə qarşı sanksiyalar tətbiq edə bilər. Səfirlik rəsmisi Cənubi Afrika hökumətindən “Lady R” ilə bağlı xəbərdarlığına cavab almadığını qeyd edib.


Gəmi izləmə xidmətləri “Lady R”nin gəminin şəxsi heyət və yeri haqqında məlumatları digər gəmilərə və dəniz orqanlarına ötürən avtomatik transponderlərini söndürdüyünü göstərib. Şahidlərin dediyinə görə, Cənubi Afrika donanmasının iki yedək gəmisi ona Keyptaun yaxınlığındakı Simonstown bazasında yanmağa kömək edib.
 

Dekabrın 22-də media brifinqində müdafiə naziri Tandi Modise sualları cavablandırmaqdan yayınıb.
 

Bəs Rusiya Federasiyasına Cənubi Afrikadan nə lazım ola bilər?
 

“African Defense Review” analitik və konsaltinq firmasının direktoru Darren Olivier “Lady R”in Rusiyadan köhnə sursat sifarişi çatdıra biləcəyinin mümkünlüyünü qeyd edib. 2020-ci ildə Cənubi Afrika Rusiyadan təxminən 585 min dollar dəyərində 4,5 milyon patron idxalına icazə verib.
 

“Cənubi Afrikanın müdafiə sənayesi, bir qayda olaraq, Rusiya ordusunun istifadə etdiyi silahlar və mürəkkəb sistemlər istehsal etmir”.
 

Onun sözlərinə görə, gəmiyə nəyin yüklənə biləcəyi tam bəlli deyil.
 

Olivier bildirib ki, Rusiya İHA istehsal etmək üçün istifadə edilə bilən istiqamətləndirmə, idarəetmə sistemləri və optika kimi ikili istifadəli əşyalarla da maraqlana bilər.

Aysel