Havayda Kilauea vulkanı püskürüb.Püskürmə qonşu Mauna Loa vulkanının oyanmasından bir neçə həftə sonra başlayıb.

Kilauea vulkanının püskürməsinin aktiv mərhələsi Havay Vulkanları Milli Parkında başlayıb.


Sfera.az CNN”-ə istinadən bildirir ki, bu, Havay adalarının ən gənc və ən aktiv vulkanıdır. O, son 35 ildə az aktiv olub.
 

Kilauea zirvəsi altında seysmik aktivliyi artırıb və yerin deformasiyası da cümə axşamı səhər qeydə alınıb.
Havay Vulkan Rəsədxanası və USGS cümə axşamı vulkan xəbərdarlığı edib.
 

Rəsmilər də Kilauea vulkanının püskürməsi ilə bağlı xəbərdarlıq edib və Havay Vulkanları Milli Parkındakı təhlükəli mühafizə zonasından kənarda vulkanik külün atmosferə geniş dərəcədə yayılma təhlükəsinin olmadığını bildiriblər.
 

Bu püskürmələr milli parkın qapalı hissəsində baş verdiyindən, küləklə daşına bildiyi üçün əsas problem vulkanik qazın yüksək səviyyədə olması olaraq qalır.
 

Artıq yerli sakinlərə havada vulkanik hissəciklərin təhlükəsi barədə xəbərdarlıq edilib. Bu tənəffüs xəstəlikləri olan insanlar üçün risklidir. Turistlər üçün qlobal təhlükə yoxdur.
 

Havay Fövqəladə Halların İdarə Olunması Agentliyi sosial media hesabında bildirib ki, püskürmə hazırda bir kraterlə məhdudlaşıb və ictimaiyyət üçün heç bir təhlükə yaratmır.
 

Xatırladaq ki, 2018-ci ildə Kilauea vulkanının püskürməsi Havay adalarının yaxın tarixinin ən dağıdıcı hadisələrindən biri olub, yaxınlıqdakı ərazilərin boşaldılmasına və yüzlərlə evin dağılmasına səbəb olub.

Aynil