Elan Mask hər gün bir az daha sözün əsl mənasında yoxsullaşır.


Sfera.az bildirir ki, Twitter-in alınmasından sonra Tesla-nın səhmlərinin ucuzlaşması sürətlənib. Onlar isə milyarderin əsas sərvətidir. Kotirovkaların azalması səbəbindən Maskın sərvəti 147,7 milyard dollara qədər azalıb. Bu isə Maskın sərvətinin son iki ildə ən minimum həddi deməkdir.

Qeyd edək ki, bir həftə əvvəl iş adamı dünyanın ən varlı adamları reytinqində liderliyini Bernard Arnoya uduzub. İl ərzində amerikalı milyarder 122,6 milyard dollar yoxsullaşıb. Agentlik Maskın sərvətini 7,7 milyard dollar olaraq qiymətləndirir.

Statistika məlumatlarına görə, Maskın aktivlərinin dəyəri 147,7 milyard dollardır. Bu, iki ildən artıq müddətdə ən aşağı göstəricidir. Maskın sərvəti Tesla qiymətli kağızları və opsionlarından ibarətdir. Milyarder Twitter-i əldə etmək üçün çoxlu pul xərcləməli olub.


Tesla səhmdarları hesab edirlər ki, şirkətin kapitallaşmasının azalmasının əsas səbəbi Maskın mikrobloq xidməti almasıdır. Bu həftə Mask Twitter-də fəaliyyətini davam etdirməsi ilə bağlı sorğu təşkil etmişdi. 17,5 milyon istifadəçi (səs verənlərin 58%-i) onun baş direktor vəzifəsindən getməsinin lehinə olub. Mask isə layiqli varis tapan kimi bunu edəcəyinə söz verib.

O, bəzi şərhlərə də cavab verərkən: “Bu, bir CEO tapmaq deyil, Twitter-i yaşada biləcək bir CEO tapmaqdır" yazıb, əlavə etmişdi ki, hələlik heç kim bu işə başlamaq istəmir.

Aynil